ନୂଆଦିଲ୍ଲୀ – କରୋନା ଭାଇରସର ସଂକ୍ରମଣର ଆଶଙ୍କାକୁ ରୋକିବା ପାଇଁ ଆଜି ସାରା ଦେଶରେ ଜନତା କର୍ଫ୍ୟୁ ପାଳନ କରା ଯାଉଥିବା ବେଳେ ଏହାର ଆରମ୍ଭ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣି ଥରେ ଏହାକୁ ସଫଳ କରିବାକୁ ଦେଶବାସୀଙ୍କୁ ଅପିଲ କରିଛନ୍ତି । ରବିବାର ସକାଳୁ ପ୍ରଧାନମନ୍ତ୍ରୀ ମୋଦି ସୋସିଆଲ ମିଡିଆରେ କହିଛନ୍ତି ଯେ ଜନତା କର୍ଫ୍ୟୁ କିଛି ସମୟ ପରେ ଆରମ୍ଭ ହେବାକୁ ଯାଉଛି । ଆସନ୍ତୁ ଆମେ ସମସ୍ତେ ଏହି କର୍ଫ୍ୟରୁ ସାମିଲ ହେବା ଓ ଏହା କୋବିଡ-୧୯ ବିରୁଦ୍ଧରେ ଲଢେଇକୁ ବିପୁଳ ଶକ୍ତି ପ୍ରଦାନ କରିବ । ବର୍ତମାନ ନେଉଥିବା ପଦକ୍ଷେପ ଜରିଆରେ ଆମକୁ ଆଗାମୀ ଦିନରେ ଲାଭ ମିଳିବ । ଘରେ ରୁହନ୍ତୁ ଓ ସୁସ୍ଥ ରୁହନ୍ତୁ ବୋଲି ସେ ଅପିଲ କରିଛନ୍ତି ।
