ଭୁବନେଶ୍ୱର – ଆଜି ରାଜ୍ୟସଭାକୁ ଯିବାକୁ ଥିବା ପ୍ରାର୍ଥୀଙ୍କ ନାମ ବିଧିବଦ୍ଧ ଭାବେ ଘୋଷଣା କରାଯିବ । ବୁଧବାର ପ୍ରାର୍ଥୀପତ୍ର ପ୍ରତ୍ୟାହାରର ଶେଷ ତାରିଖ ରହିଛି । ଆସନ୍ତାକାଲି ଅପରାହ୍ନ ୩ଟା ପରେ ରିଟର୍ଣ୍ଣିଂ ଅଫିସର ଦାଶରଥୀ ଶତପଥୀ ନିର୍ବାଚିତ ପ୍ରାର୍ଥୀମାନଙ୍କୁ ସାର୍ଟିଫିକେଟ୍ ପ୍ରଦାନ କରିବେ ।
ଉଲ୍ଲେଖଯୋଗ୍ୟ ଯେ ରାଜ୍ୟସଭାରେ ଖାଲି ହେବାକୁ ଥିବା ୪ ଟି ଆସନ ପାଇଁ ନିର୍ବାଚନ ଅନୁଷ୍ଠିତ ହେବାକୁ ଥିଲା । ତେବେ ବିଜେପି ଓ କଂଗ୍ରେସ ପ୍ରାର୍ଥୀ ଦେଇନଥିବାରୁ ବିଜେଡି ସମସ୍ତ ୪ ଜଣ ପ୍ରାର୍ଥୀ ରାଜ୍ୟସଭାକୁ ଯିବା ସ୍ପଷ୍ଟ ହୋଇଛି । ବିଜେଡି ପ୍ରାର୍ଥୀ ସୁବାସ ସିଂହ , ମୁନା ଖାନ୍ , ସୁଜିତ୍ କୁମାର ଓ ମମତା ମହାନ୍ତ ନିଦ୍ୱନ୍ଦରେ ରାଜ୍ୟସଭାକୁ ନିର୍ବାଚିତ ହେବେ ।
