ଭୁବନେଶ୍ୱର– କରୋନା ସଂକ୍ରମଣ ଯୋଗୁଁ ରାଜ୍ୟର ବିଭିନ୍ନ ସହରରେ ମଲ୍ ଗୁଡିକୁ ବନ୍ଦ କରିଦିଆଯାଇଛି । ତେବେ ଗୁଜବ ଯୋଗୁଁ ଅନ୍ୟାନ୍ୟ ଦୋକାନ ଗୁଡିକ ବନ୍ଦ ହୋଇଯାଉଥିବା ବେଳେ ଅତ୍ୟାବଶ୍ୟକୀୟ ସାମଗ୍ରୀ ବଜାରରୁ ଉଭାନ ହୋଇଯାଉଛି ।
ଏସମ୍ପର୍କରେ ସୂଚନା ଦେଇ ପୋଲିସ୍ କମିଶନର ଡକ୍ଟର ସୁଧାଂଶୁ ଷଡ଼ଙ୍ଗୀ କହିଛନ୍ତି ଯେ ତେଜରାତି ଦୋକାନ ସବୁ ଖୋଲା ରହିବ ।କ୍ଷୀର, ପରିବା ଫଳ ଆଦି ଦୋକାନ ସବୁ ଖୋଲା ରହିବ । ଭୟଭୀତ ହୋଇ ଅଧିକ ସାମଗ୍ରୀ କିଣିବାର କୌଣସି ଆବଶ୍ୟକତା ନାହିଁ । ସତର୍କତା ଅବଲମ୍ବନ କଲେ ହିଁ ଭୂତାଣୁଠାରୁ ରକ୍ଷା ପାଇପାରିବା ବୋଲି ସେ କହିଛନ୍ତି ।
