ଭୁବନେଶ୍ୱର– ଛାତ୍ର କଂଗ୍ରେସର ରାଜ୍ୟ ସଂଯୋଜକ ଆଦିତ୍ୟ ପ୍ରୀତମ୍ ଦାସଙ୍କ ସଂଯୋଜନାରେ ଏକ କରୋନା ସଚେତନତା କାର୍ଯ୍ୟକ୍ରମ ଭୁବନେଶ୍ୱର ମାଷ୍ଟର କ୍ୟାଂଟିନ୍ ଛକ ଠାରେ ଅନୁଷ୍ଠିତ ହୋଇଯାଇଛି । ଶତାଧିକ ଛାତ୍ର କଂଗ୍ରେସ କର୍ମକର୍ତା ଓ ବରିଷ୍ଠ ନେତାମାନେ ସଚେତନତା ସ୍ଲୋଗାନ ଦେଇ କଂଗ୍ରେସ ଭବନରୁ ଏକ ଶୋଭାଯାତ୍ରାରେ ବାହାରି ମାଷ୍ଟରକ୍ୟାଂଟିନ୍ ଛକରେ ଅଟୋ ଚାଳକ, ମଟର ସାଇକେଲ ଆରୋହୀ, ଓ ସାଧାରଣ ଜନତାଙ୍କ ଠାରେ ମାସ୍କ ଲଗାଇ କରୋନାରୁ ମୁକ୍ତି ପାଇବା ପାଇଁ ସଚେତନତା କରାଇ ଥିଲେ । ନିୟମିତ ହାତ ସଫା କରିବା ସହ, ରୋଗୀ ଠାରୁ ଦୂରେଇ ରହିବାକୁ ବାର୍ତା ଦେଇଥିଲେ ।
ଏହି କାର୍ଯ୍ୟକ୍ରମରେ ଯୁବ କଂଗ୍ରେସ ନେତା ନିରଞ୍ଜନ ନାୟକ, ବିଧାୟକ ସୁରେଶ କୁମାର ରାଉତରାୟ, କଂଗ୍ରେସ ନେତା ଜ୍ଞାନଦେବ ବେହୁରା,ସଂଜୀବ ଶିବାଶିଷ, ସୌମ୍ୟ ରଂଜନ ଜେନା ପ୍ରମୁଖ ନେତୃତ୍ୱ ନେଇଥିଲେ ।
