ଭୁବନ– ଭୁବନର ବରିଷ୍ଠ ନାଗରିକ ମାନଙ୍କୁ ନେଇ ଗଠିତ ଜନକଲ୍ୟାଣ ଅନୁଷ୍ଠାନ ତରଫରୁ ପୂର୍ବ ବର୍ଷ ଭଳି ଚଳିତ ବର୍ଷ ଫଗୁପୂର୍ଣ୍ଣିମା ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ ବିଭିନ୍ନ ସାହିରୁ ରାଧାକୃଷ୍ଣ ଯୁଗଳ ମୂର୍ତିକୁ ବିମାନରେ ରଖି ଫୁଲରେ ସଜାଇ କୀର୍ତନମଣ୍ଡଳୀ, ଲଉଡି ବାଡି ଖେଳ ଓ ବାଜା ବଜାଇ ନଗର ପରିକ୍ରମା କରି ବିଘ୍ନ ମହାନ୍ତି ଛକରେ ପହଁଚିବା ପରେ ଜନକଲ୍ୟାଣ ଅନୁଷ୍ଠାନ ତରଫରୁ ସମସ୍ତ ବିମାନକୁ ସ୍ୱାଗତ କରାଯାଇ ବିଧି ମୁତାବକ ପୂଜାର୍ଚ୍ଚନା କରାଯାଇ ପ୍ରସାଦ ଲାଗି କରାଯାଇଥିଲା ଓ ସମସ୍ତ ବିମାନକୁ ମୟୂର ପୁଚ୍ଛରେ ନିର୍ମିତ ଚାମର ଭେଟି ଦିଆଯାଇଥିଲା । ପରେ ଠାକୁରଙ୍କ ନିକଟରେ ରଙ୍ଗବେରଙ୍ଗର ଅବିର ଲାଗି କରାଯାଇଥିଲା । ଉପସ୍ଥିତ ସହସ୍ରାଧିକ ଶ୍ରଦ୍ଧାଳୁଙ୍କ ମୁହଁରେ ଅବିର ବୋଳି ଅଭିନନ୍ଦନ ଜଣାଯାଇଥିଲା । ଅନୁଷ୍ଠାନର ସମ୍ପାଦକ ଭଗବାନ ଗୁରୁଙ୍କ ପ୍ରତ୍ୟେକ୍ଷ ତତ୍ୱାବଧାନରେ ସମସ୍ତ କାର୍ଯ୍ୟକ୍ରମ ଆୟୋଜିତ ହୋଇଥିଲା ।
