ଜାମ୍ମୁ କାଶ୍ମୀର କିଛି ମାସ ମଧ୍ୟରେ ଦେଖିବାକୁ ମିଳିବ ତୃଣମୂଳ ସ୍ତରରେ ପରିବର୍ତନ – ଅମିତ ଶାହ

• ଜାମ୍ମୁ କାଶ୍ମୀରର ପ୍ରତିନିଧି ଦଳକୁ ଭେଟିଲେ କେନ୍ଦ୍ର ଗୃହ ମନ୍ତ୍ରୀ

ନୂଆଦିଲ୍ଲୀ – କେନ୍ଦ୍ର ଗୃହମନ୍ତ୍ରୀ ଅମିତ ଶାହା ରବିବାର ଦିନ ଜାମ୍ମୁ କାଶ୍ମୀରରୁ ଅଲତାଫ ବୁଖାରୀଙ୍କ ନେତୃତ୍ୱରେ ତାଙ୍କ ଦଳର 24 ଜଣିଆ ପ୍ରତିନିଧି ଦଳଙ୍କୁ  ରବିବାର ଦିନ  ଭେଟିଛନ୍ତି ।    ଏହି  ଅବସରରେ ସେ  ଏହି ପ୍ରତିନିଧି ଦଳଙ୍କୁ ପ୍ରତିଶ୍ରୁତି ଦେଇ କହିଛନ୍ତି ଯେ   ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧୀନରେ କେନ୍ଦ୍ର ସରକାର ଜାମ୍ମୁ କାଶ୍ମୀରର ସର୍ବାଙ୍ଗୀନ ବିକାଶ ପାଇଁ  ପ୍ରତିଶ୍ରୁତିବଦ୍ଧ ।   ଆସନ୍ତା କିଛି ମାସ ମଧ୍ୟରେ ତୃଣମୂଳ ସ୍ତରରେ ସ୍ପଷ୍ଟ ପରିବର୍ତ୍ତନ ଦେଖା ଯିବ ବୋଲି ସେ କହିଛନ୍ତି ।

ଗୃହ ମନ୍ତ୍ରଣାଳୟରେ  ହୋଇଥିବା ଏହି ବୈଠକରେ  ପ୍ରତିନିଧି ଦଳର ସଦସ୍ୟମାନେ  ଶ୍ରୀ ଶାହାଙ୍କ  ସମ୍ମୁଖରେ ପ୍ରାୟ 40 ଟି ପ୍ରସଙ୍ଗ ଉଠାଇଥିଲେ। ପ୍ରତିନିଧି ଦଳ ଶୁଣିବା ପରେ ଶାହା କହିଛନ୍ତି ଯେ ଏହି  ଅଂଚଳରେ ଜନସାଂଖ୍ୟିକୀରେ ପରିବର୍ତ୍ତନ ଆଣିବା ପାଇଁ ସରକାରଙ୍କର କୌଣସି ଉଦ୍ଦେଶ୍ୟ ନାହିଁ ।  | ଜାମ୍ମୁ କାଶ୍ମୀରର ଏକ ରାଜ୍ୟ ହେବାର ଆଶା ପୂରଣ କରିବା ପାଇଁ ସରକାର ଯଥାଶୀଘ୍ର ସମାଜର ସମସ୍ତ ବର୍ଗଙ୍କ ସହ କାର୍ଯ୍ୟ କରିବେ ବୋଲି ସେ କହିଛନ୍ତି।

ଶାହା କହିଛନ୍ତି ଯେ ସଂରକ୍ଷଣ ପ୍ରସଙ୍ଗରେ ଖୁବ ଶୀଘ୍ର ଏକ କମିଶନ ଗଠନ କରାଯିବ ଏବଂ ଗୁଜ୍ଜର ଓ  ଜାତିର ଲୋକ ମାନଙ୍କ ପ୍ରତି କୌଣସି ଅନ୍ୟାୟ କରାଯିବ ନାହିଁ ।  ଜାମ୍ମୁ କାଶ୍ମୀର ବ୍ୟାଙ୍କ ସହ ଜଡିତ ପ୍ରସଙ୍ଗରେ ସେ ପ୍ରତିନିଧିଙ୍କୁ ପ୍ରତିଶ୍ରୁତି  ଦେଇଛନ୍ତି ଯେ ସେ ବ୍ୟକ୍ତିଗତ ଭାବରେ ଏହି ପ୍ରସଙ୍ଗଗୁଡ଼ିକ ଉପରେ ଦୃଷ୍ଟି ଦେବେ ।