କେନ୍ଦୁଝର – କେନ୍ଦୁଝର ଟାଉନ ଥାନା ଅନ୍ତର୍ଗତ ଧାଙ୍ଗରପଡ଼ା ନିକଟରୁ ଏକ ଯୁବକକୁ ହାତ ଓ ବେକ କଟା ଅବସ୍ଥାରେ ଉଦ୍ଧାର କରାଯାଇଛି । ଯୁବକ କୌଣସି କାରଣରୁ ହାତ ଓ ବେକ କଟା ଅବସ୍ଥାରେ ଉକ୍ତ ରାସ୍ତାରେ ଦୌଡୁଥିବା ସମୟରେ କିଛି ସ୍ଥାନୀୟ ଯୁବକ ତାକୁ ଉଦ୍ଧାର କରିଥିଲେ । ଉଦ୍ଧାର କରି ତାଙ୍କୁ ଏକ ଆମ୍ବୁଲାନ୍ସ ଯୋଗେ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ଆଣିଥିଲେ । ଯୁବକ ର ଅବସ୍ଥା ସଙ୍କଟାପନ୍ନ ଥିବା ବେଳେ ତାର ଚିକିତ୍ସା କରାଯାଇଛି । ଯୁବକ ଜଣକର ନାଁ ବଦୁ ବୋଲି ଜଣା ପଡିଥିବା ବେଳେ ତାର ଘର ମୁର୍ସିଦାବାଦ୍ ରେ । ପ୍ରେମରେ ବିଫଳ ପାଇଁ ଏପରି ଘଟଣା ନିଜେ ଘଟାଇ ଥିବା ଅନୁମାନ କରାଯାଉଛି । ଏନେଇ ପୋଲିସ ତଦନ୍ତ କରୁଛି ।
