ଭଞ୍ଜନଗର– ନୂତନ ଟ୍ରାଫିକ ନିୟମ ଆଇନ ଗତ ମାର୍ଚ୍ଚ ୧ତାରିଖରୁ କଡାକଡି ଭାବେ ପାଳନ କରାଯାଉଛି। ହେଲେ ଆଜି ବି ବହୁ ଲୋକ ଟ୍ରାଫିକ ନିୟମ ଉଲଂଘନ କରି ଦଣ୍ଡିତ ହେଉଛନ୍ତି।ତେଣୁ ଭଞ୍ଜନଗର ପୋଲିସ ତରଫରୁ ଜନସାଧାରଣଙ୍କୁ ସଚେତନ ଉଦ୍ଦେଶ୍ୟରେ ହେଲମେଟ ଓ ସିଟ ବେଲ୍ଟ ବ୍ୟବହାରକାରୀ ମାନଙ୍କୁ ଗୋଲାପ ଫୁଲ ଦେଇ ସମ୍ମାନୀତ କରାଯାଇଛି। ଏହି କାର୍ଯ୍ୟକ୍ରମ କୁ ଥାନା ଅଧିକାରୀ ସୁଦୀପ୍ତ କୁମାର ସାହୁ ଶୁଭାରମ୍ଭ କରିଥିଲେ।ପ୍ରାୟ ୧ ଶହରୁ ଉର୍ଦ୍ଧ୍ଵ ଲୋକଙ୍କୁ ସ୍ଥାନୀୟ ରଘୁନାଥ ମନ୍ଦିର ନିକଟରେ ଗୋଲାପ ଫୁଲ ପ୍ରଦାନ କରାଯାଇ ଥିବା ଜଣାପଡିଛି।
