ଭୁବନେଶ୍ୱର । ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ନବରଙ୍ଗପୁରର ଆରଟିଓ ଗଣେଶ୍ୱର କହଁରଙ୍କୁ ଭିଜିଲାନ୍ସ ଗିରଫ କରିଛି । ଗିରଫ କରିବା ପରେ ତାଙ୍କୁ କୋର୍ଟ ଚାଲାଣ କରାଯାଇଛି ।
ଭିଜିଲାନ୍ସ ଜାଲରେ ନବରଙ୍ଗପୁର ଆଞ୍ଚଳିକ ପରିବହନ ବିଭାଗ ଅଧିକାରୀ । ଆୟ ବହିର୍ଭୁତ ସମ୍ପତି ଠୁଳ ମାମଲାରେ ଗିରଫ ହେଲେ ପରିବହନ ବିଭାଗ ଅଧିକାରୀ ଗଣେଶ୍ୱର କହଁର ।
ଉଲ୍ଲେଖନୀୟ ଯେ ଗତ ମାର୍ଚ୍ଚ ମାସ ୬ତାରିଖରେ ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ନବରଙ୍ଗପୁର ଜିଲ୍ଲା ଆଞ୍ଚଳିକ ପରିବହନ ବିଭାଗ ଅଧିକାରୀ ଗଣେଶ୍ୱର କହଁରଙ୍କ ନବରଙ୍ଗପୁର ଅଫିସ, ଭଡାଘର, ପାରଳାଖେମୁଣ୍ଡି, ଫୁଲବାଣୀ ଏବଂ ଭୁବନେଶ୍ୱରରେ ଭିଜିଲାନ୍ସ ଚଢାଉ କରିଥିଲା । ଭିଜିଲାନ୍ସ ଟିମ୍ ପକ୍ଷରୁ ଏକକାଳୀନ ୬ ଟି ସ୍ଥାନରେ ଚଡାହୁ କରାଯାଇଥିଲା । ଅନେକ ନଗଦ ଟଙ୍କା, ଜରୁରୀ କାଗଜପତ୍ର ଓ ସୁନାଗହଣା ଭିଜିଲାନ୍ସର ହସ୍ତଗତ ହୋଇଥିଲା । ସମସ୍ତ ନଥିପତ୍ର ତଥ୍ୟକୁ ଆଧାର କରି ଆଜି ଗିରଫ କରି କୋର୍ଟ ଚାଲାଣ କରାଯାଇଛି ।
