ବଲାଙ୍ଗିର– ଜିଲ୍ଲାର କଂଟାବାଞ୍ଜି ବ୍ଲକ ମୁରିବାହଲ ଥାନା ଅନ୍ତର୍ଗତ ସାଲେପଡ଼ା ଗ୍ରାମରେ ଗତକାଲି ବିଳମ୍ବିତ ରାତିରେ ଜଣକ ଘରେ ପଶି ନଗଦ ୫ ଲକ୍ଷ ଟଙ୍କା ଓ ୧୦ ଭରି ଓଜନର ସୁନା ଗହଣା ଲୁଟି ନେଇଛନ୍ତି ଦୁର୍ବୃତ ।
ଝରକା ଭାଙ୍ଗି ଚୋର ମାନେ ଘର ଭିତରେ ପଶିଥିଲେ । ଆଲମିରାରେ ରଖାଯାଇଥିବା ନଗଦ ୫ ଲକ୍ଷ ଟଙ୍କା ଓ ୧୦ ଭରି ଓଜନର ସୁନା ଗହଣା ଲୁଟି ଘଟଣାସ୍ଥଳରୁ ଚମ୍ପଟ୍ ମାରିଥିଲେ । ଆଜି ସକାଳେ ଘର ମାଲିକ ଏନେଇ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି । ପୋଲିସ ଓ ସାଇଂଟିଫିକ୍ ଟିମ୍ ଘଟଣାସ୍ଥଳରେ ପହଂଚି ଛାନଭିନ୍ ଚଳାଇଛନ୍ତି । ହେଲେ ଅଦ୍ୟାବଧି ଲୁଟେରାଙ୍କ ଟେର୍ ପାଇନି ପୋଲିସ ।
