ନୟାଗଡ଼– ନୟାଗଡ଼ ଚିନିକଳ କ୍ରିୟାନୁଷ୍ଠାନ କମିଟି ପକ୍ଷରୁ ୧୨ ଘଂଟିଆ ନୟାଗଡ଼ ବନ୍ଦ ପାଳନ କରାଯାଇଛି । ସକାଳ ୬ଟାରୁ ସଂନ୍ଧ୍ୟା ୬ଟା ପର୍ଯ୍ୟନ୍ତ ଏହି ବନ୍ଦ ଡ଼ାକରା ଦିଆଯାଇଛି । ଫଳରେ ଟ୍ରେନ୍ ଓ ବସ୍ ଚଳାଚଳ ବନ୍ଦ ରହିଛି । ବନ୍ଦ ପଡିଥିବା ଚିନି କଳକୁ ପୁନଃ କାର୍ଯ୍ୟକ୍ଷମ କରାଇବା ଏବଂ ଚିନିକଳ ଶ୍ରମିକ, କର୍ମଚାରୀ ଏବଂ ଚାଷୀଙ୍କ ବକେୟା ରାଶି ଫେରାଇବା ଦାବିରେ ଏହି ଆନ୍ଦୋଳନ କରାଯାଉଥିବା କମିଟି ପକ୍ଷରୁ ସୂଚନା ଦିଆଯାଇଛି । ଏହି ବନ୍ଦ ପାଳନକୁ ଜିଲ୍ଲାର କୃଷକ, ଶ୍ରମିକ ଆଦି ଅନେକ ସଂଗଠନ ସମର୍ଥନ ଜଣାଇଛନ୍ତି ।
ଅନ୍ୟପକ୍ଷରେ ବନ୍ଦ୍ ର ପ୍ରଭାବ ସମଗ୍ର ଜିଲ୍ଲାରେ ଦେଖିବାକୁ ମିଳିଛି । ଦୋକାନ ବଜାର, ସମସ୍ତ ସରକାରୀ ଓ ବେସରକାରୀ ପ୍ରତିଷ୍ଠାନ ବନ୍ଦ ରହିଛି । କେତେକ ସ୍ଥାନରେ ଦୋକାନ ଖୋଲା ଥିବା ଓ କାରବାର ସ୍ୱାଭାବିକ୍ ଥିବା ଦେଖିବାକୁ ମିଳିଛି ।
