ଢ଼େଙ୍କାନାଳ– ଢ଼େଙ୍କାନାଳ ମହାଦିଆ ପାସେଞ୍ଜର ହଲ୍ଟ ନିକଟରେ ରେଳ ଧାରଣାରେ ଫାଟ ଦେଖିବାକୁ ମିଳିଛି । ତେବେ ଏଥିଜନିତ ଦୁର୍ଘଟଣାରୁ ଅଳ୍ପକେ ବର୍ତି ଯାଇଛି ମୁମ୍ବାଇ-ଭୁବନେଶ୍ୱର ଲୋକମାନ୍ୟ ତିଳକ ଏକ୍ସପ୍ରେସ । ସ୍ଥାନୀୟ ଲୋକେ ରେଳ ଧାରଣାରେ ଫାଟ ଦେଖିବା ପରେ ତୁରନ୍ତ ଏ ସମ୍ପର୍କରେ ନିକଟସ୍ଥ ଷ୍ଟେସନ ମାଷ୍ଟରଙ୍କୁ ଜଣାଇଥିଲେ । ପରେ ସେହି ଲାଇନ୍ ଦେଇ ଯାଉଥିବା ଅନୁଗୋଳ-ପୁରୀ ପାସେଞ୍ଜର ଟ୍ରେନ୍ ଓ ଭୁବନେଶ୍ୱର-ବଲାଙ୍ଗିର ଏକ୍ସପ୍ରେସ ଟ୍ରେନ୍ ୩ ଘଂଟା ଧରି ଅଟକି ରହିଥିଲା ।
ସକାଳ ୬ଟା ସମୟରେ ମୁମ୍ବାଇ-ଭୁବନେଶ୍ୱର ଲେକମାନ୍ୟ ତିଳକ ଏକ୍ସପ୍ରେସ ଢ଼େଙ୍କାନାଳ ମହାଦିଆ ପାସେଞ୍ଜର ହଲ୍ଟ ଅତିକ୍ରମ କରୁଥିବା ବେଳେ ଏହି ଘଟଣା ଜଣାପଡିଥିଲା । ରେଳ ବିଭାଗ ପକ୍ଷରୁ ଧାରଣାରେ ଆବଶ୍ୟକ ମରାମତି କରାଯିବ ପରେ ସମ୍ପୃକ୍ତ ଲାଇନରେ ଟ୍ରେନ୍ ଚଳାଚଳ ସ୍ୱାଭାବିକ୍ ହୋଇଛି ।
