ଭୁବନେଶ୍ୱର – ଓଡିଶା ପୋଲିସ୍ ଆନୁକୂଲ୍ୟରେ ‘ପୋଲିସ୍ ରେ ମହିଳା’ ଶୀର୍ଷକ ଏକ ଦିନିକିଆ ସମ୍ମିଳନୀ ଆସନ୍ତାକାଲି (ଶୁକ୍ରବାର) ଦିନ କଟକସ୍ଥିତ ଓଏସଏପି ଷଷ୍ଠ ବାଟାଲିୟନ୍ ଠାରେ ଆୟୋଜିତ ହେବ । ଏଥିରେ ମହିଳା ପୋଲିସ୍ ଅଧକାରୀ ଓ କର୍ମଚାରୀମାନେ କର୍ମକ୍ଷେତ୍ରରେ ସମ୍ମୁଖୀନ ହେଉଥିବା ବିଭିନ୍ନ ଲିଙ୍ଗଗତ ସମସ୍ୟା ଓ ତାର ସମାଧାନ ଉପରେ ଏହି ସମ୍ମିଳନୀରେ ବିସ୍ତୃତ ଭାବେ ଆଲୋଚନା ଓ ପର୍ଯ୍ୟାଲୋଚନା କରାଯିବ । ଏହି ସମ୍ମିଳନୀ ଦିନ ୧୦ଟାରୁ ସନ୍ଧ୍ୟା ୫ ଟା ପର୍ଯ୍ୟନ୍ତି ଚାଲିବ ।
ରାଜ୍ୟ ପୋଲିସ୍ ର ସବୁ ବର୍ଗର ଶହେରୁ ଅଧିକ ମହିଳା ପୋଲିସ୍ ଅଧିକାରୀ ଓ କର୍ମଚାରୀ ମାନେ ଏହି ସମ୍ମିଳନୀରେ ଅଂଶଗ୍ରହଣ କରିବେ । ଏଭଳି ସମ୍ମିଳନୀ ଆୟୋଜନ କରିବାରେ ଓଡିଶା ହେଉଛି ଦେଶର ପ୍ରଥମ ରାଜ୍ୟ । ଏହି ସମ୍ମିଳନୀର ଅନ୍ତିବ ପର୍ଯ୍ୟାୟରେ ରାଜ୍ୟ ପୋଲିସ୍ ଡିଜି ଶ୍ରୀ ଅଭୟ ମୁଖ୍ୟ ଅତିଥି ଭାବେ ଯୋଗ ଦେବେ । ରାଜ୍ୟ ପୋଲିସ୍ । ଅନେକ ବରିଷ୍ଠ ଅଧିକାରୀ ଏହି ସ୍ୱତନ୍ତ୍ର ମହିଳା ପୋଲିସ୍ ସମ୍ମିଳନୀରେ ଅଂଶଗ୍ରହଣ କରିବେ ।
