ନୂଆଦିଲ୍ଲୀ – ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ନେପାଳ ପ୍ରଧାନମନ୍ତ୍ରୀ କେ.ପି ଶର୍ମା ଓଲିଙ୍କୁ ସଫଳ ଅସ୍ତ୍ରୋପଚାର ଏବଂ ଶୀଘ୍ର ଆରୋଗ୍ୟ କାମନା କରିଛନ୍ତି ।
ଏହି ସପ୍ତାହରେ ଓଲିଙ୍କର ଦ୍ୱିତୀୟ କିଡନୀ ପ୍ରତ୍ୟାରୋପଣ ହେବ । ଏହାପୂର୍ବରୁ ୨୦୦୭ ରେ ୬୭ ବର୍ଷିୟ ଓଲି ଭାରତରେ କିଡନୀ ପ୍ରତ୍ୟାରୋପଣ ଅସ୍ତ୍ରୋପଚାର କରିଥିଲେ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୋମବାର ଟ୍ୱିଟ୍ କରି କହିଛନ୍ତି ମୋର ପ୍ରିୟ ବନ୍ଧୁ କେ.ପି ଶର୍ମା ଓଲିଙ୍କୁ ସଫଳ ଅସ୍ତ୍ରୋପଚାର ଏବଂ ଶୀଘ୍ର ଆରୋଗ୍ୟ କାମନା କରୁଛି । ଭଗବାନ ପଶୁପତିନାଥ ଆପଣଙ୍କୁ ସର୍ବଦା ଉତମ ସ୍ୱାସ୍ଥ୍ୟ, ସୁଖ ଏବଂ ଦୀର୍ଘ ଜୀବନ ଦେଇ ଆଶୀର୍ବାଦ କରନ୍ତୁ । ଭାରତ-ନେପାଳ ସମ୍ପର୍କକୁ ନୂତନ ଉଚ୍ଚତାକୁ ଆଣିବା ପାଇଁ ଆପଣଙ୍କର ଅବିରତ ଅବଦାନ ଜାରୀ ରହୁ ବୋଲି ପ୍ରଧାନମନ୍ତ୍ରୀ ଆଶା ପ୍ରକଟ କରିଛନ୍ତି । ଅନ୍ୟପକ୍ଷରେ ଓଲି ମଧ୍ୟ ଟୁଇଟ୍ କରି ମୋଦୀଙ୍କ ବାର୍ତା ପାଇଁ ଧନ୍ୟବାଦ ଜଣାଇଛନ୍ତି ।
