ଭୁବନେଶ୍ୱର – ରାଜ୍ୟ ମହିଳା କମିଶନ ପକ୍ଷରୁ ଆଜି ଭୁବନେଶ୍ୱର ଠାରେ ଏକ ପଦଯାତ୍ରା ‘ପାୱାର ୱାକ୍’ ଆୟୋଜିତ ହେବ । ରାଜ୍ୟ ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ଟୁକୁନି ସାହୁ ଏହି କାର୍ଯ୍ୟକ୍ରମର ଶୁଭାରମ୍ଭ କରିବେ । ରବିବାର ଅପରାହ୍ନ ୫ ଟାରେ ସ୍ଥାନୀୟ ବିଜୁ ପଟ୍ଟନାୟକ ପାର୍କ ଠାରୁ ଏହି ପଦଯାତ୍ରା ଆରମ୍ଭ ହେବ । ଏହାପରେ ଶିଶୁ ଭବନ ଛକ ଏବଂ ମାଷ୍ଟର କ୍ୟାଂଟିନ୍ ଛକ ଦେଇ ଏହି ପଦଯାତ୍ରା ଇନ୍ଦିରାଗାନ୍ଧି ପାର୍କ ଠାରେ ପହଂଚିବ । ଏଥିରେ ୧ ହଜାର ମହିଳା ଯୋଗ ଦେବେ ବୋଲି ସୂଚନା ମିଳିଛି ।
