ଭୁୁବନେଶ୍ୱର- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଲଗାତାର ଅଷ୍ଟମ ଥର ପାଇଁ ବିଜୁ ଜନତା ଦଳର ସଭାପତି ଭାବେ ନିର୍ବାଚିତ ହୋଇଛନ୍ତି । ଭୁବନେଶ୍ୱର ଠାରେ ଅନୁଷ୍ଠିତ ରାଜ୍ୟ ପରିଷଦର ବୈଠକରେ ରିଟର୍ନିଂ ଅଫିସର ପ୍ରତାପ ଦେବ ଏ ନେଇ ଘୋଷଣା କରିଛନ୍ତି ।
ବିଜେଡି ସଭାପତି ଭାବେ ନିର୍ବାଚିତ ହେବା ପରେ ନବୀନ ପଟ୍ଟନାୟକ ରାଜ୍ୟର ସାଢେ ଚାରି କୋଟି ଲୋକ ମାନଙ୍କୁ ଧନ୍ୟବାଦ ଜଣାଇବା ସହ ବିଜେଡିର ସମସ୍ତ କର୍ମକର୍ତାଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି ।
ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ବିଜେଡି ଜିତିବା ପାଇଁ ନିର୍ବାଚନ ଲଢେ ନାହିଁ । ଲୋକଙ୍କ ସ୍ନେହ ପାଇବା ଓ ସେମାନଙ୍କର ସେବା କରିବାକୁ ବିଜେଡି ନିର୍ବାଚନ ଲଢେ ବୋଲି ସେ କହିଛନ୍ତି ।
