ବଲାଙ୍ଗିର- ବଲାଙ୍ଗିର ସହରରେ ଗତକାଲି ବିଳମ୍ବିତ ରାତିରୁ ଆଜି ସକାଳ ପର୍ଯ୍ୟନ୍ତ ଝଡ଼ତୋଫାନ ସାଙ୍ଗକୁ ପ୍ରବଳ ବର୍ଷା ଲାଗି ରହିଛି । ଫଳରେ କେତେକ ସ୍ଥାନରେ ଗଛ ପଡ଼ି ରାସ୍ତା ଅବରୋଧ ହୋଇଛି । ବିଭିନ୍ନ ସ୍ଥାନରେ ବିଦ୍ୟୁତ ତାର ଛିଣ୍ଡି ପଡିଥିବାରୁ ବିଦ୍ୟୁତ ସରବରାହ ଏକ ପ୍ରକାର ଠପ୍ ହୋଇଯାଇଛି । ଏଠାରେ ବହୁ ସଂଖ୍ୟାରେ ଝାଟିମାଟି ଚାଳଛପର ଘର ଓ ଆଜବେଷ୍ଟସ ଘର କ୍ଷୟକ୍ଷତି ହୋଇଥିବା ସୂଚନା ମିଳିଛି । ଝାଟିମାଟି ଘରର ଚାଳ ଛପର ଉଡ଼ିଯାଇଥିବା ବେଳେ ଆଜବେଷ୍ଟସ୍ ଘର ଗୁଡିକର କେଉଁଠି ଆଜବେଷ୍ଟସ୍ ଭାଙ୍ଗିରୁଜି ଯାଇଛି ତ ଆଉ କେଉଁଠି ଘର ଉପରୁ ଆଜବେଷ୍ଟସ ଉଡାଇ ନେଇଛି ପବନ । ପ୍ରଶାସନ ପକ୍ଷରୁ କ୍ଷୟକ୍ଷତିର ଆକଳନ କରାଯାଇ କ୍ଷତିଗ୍ରସ୍ତଙ୍କୁ ସହାୟତା ଯୋଗାଇଦେବାକୁ ସାଧାରଣରେ ଦାବି ହେଉଛି ।
