ଭୁବନେଶ୍ୱର- ଆର୍ଯ୍ୟ ସମାଜର ପ୍ରତିÂାତା ମହର୍ଷି ଦୟାନନ୍ଦ ସରସ୍ୱତୀଙ୍କ ଋଷିବୋଧ ଉତ୍ସବ ଯୁବ ଆର୍ଯ୍ୟ ସମାଜ ଓଡିଶା ପକ୍ଷରୁ ଭୁବନେଶ୍ୱର ସାଲିଆ ସାହି ସ୍ଥିତ ଶ୍ରୀକୃଷ୍ଣ ନଗର ଠାରେ ଅନୁÂାନର ସଭାପତି ପ୍ରବୀର ଆର୍ଯ୍ୟଙ୍କ ପୌରହିତ୍ୟରେ ମହା ସମାରୋହରେ ପାଳିତ ହୋଇଯାଇଛି ।
କାର୍ଯ୍ୟକ୍ରମକୁ ଆନୁÂାନିକ ଭାବେ ଉଦ୍ଘାଟନ କରି ଆର୍ଯ୍ୟ ସମାଜ ଓଡିଶାର ଅଧ୍ୟକ୍ଷ ଡ. ଆର୍ଯ୍ୟ କୁମାର ଜ୍ଞାନେନ୍ଦ୍ର କହିଲେ ଯେ ଭାରତବର୍ଷରେ ଆମ ଧର୍ମଗ୍ରନ୍ଥ ବେଦକୁ ସରଳ ଭାବେ ସାଧାରଣ ଜନତାଙ୍କ ପାଖରେ ପହଂଚାଇବାରେ ମହର୍ଷି ଦୟାନନ୍ଦ ଥିଲେ ଆମ ସମସ୍ତଙ୍କର ଅଗ୍ରଗଣ୍ୟ ନେତା । ବେଦର ପ୍ରତ୍ୟେକ ମନ୍ତ୍ର ସମାଜର କଲ୍ୟାଣ ପାଇଁ ଉଦ୍ଧିଷ୍ଟ । ବିଶ୍ୱକୁ ଏକ ପରିବାର ଭାବେ ଦେଖିବା ଉଦ୍ଘୋଷ ହଜାର ହଜାର ବର୍ଷ ତଳେ ବୈଦିକ ଋଷିମାନେ ସ୍ୱପ୍ନ ଦେଖିଥିଲେ ।
କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗ ଦେଇ ବିଶିଷ୍ଟ ପ୍ରବଚକ ପଣ୍ଡିତ ବିରେନ୍ଦ୍ର କୁମାର ପଣ୍ଡା କହିଲେ ଯେ ସଂସ୍କାର ନିଜ ପରିବାରରୁ ଆରମ୍ଭ କରିବାକୁ ହେବ । ପିଲାଟିଏ ଛାତ୍ରବସ୍ଥାରେ ଯେଉଁ ସଂସ୍କାର ଶିକ୍ଷା କରିବ ତା’ର ଭବିଷ୍ୟତ ନିଶ୍ଚିତ ଭାବରେ ଉଜ୍ଜ୍ୱଳମୟ ହେବ । ଆମ ସାମାଜିକ ଚଳନୀରେ ଧର୍ମର ଯଥେଷ୍ଟ ଆବଶ୍ୟକତା ଅଛି । କିନ୍ତୁ ଧର୍ମ ନାମରେ କୁସଂସ୍କାର ଭିତରକୁ ଆମେ କିଭଳି ନପଶିବା ସେଥିପାଇଁ ଆମେ ନିଜକୁ ପ୍ରସ୍ତୁତ କରିବା ଉଚିତ୍ । ଅନ୍ୟତମ ଅତିଥି ବିଶିଷ୍ଟ ପାଲା ଗାୟକ ଓ ପାଲା ସଂଗଠକ ଶ୍ରୀ ସୁରେନ୍ଦ୍ରନାଥ ଛୋଟରାୟ କହିଲେ ଯେ ପରମାତ୍ମା ସର୍ବତ୍ର ବିଦ୍ୟମାନ । ଏହି କଥାଟିକୁ ଯେତେବେଳେ ଆମେ ବୁଝିଯିବା ସେତେବେଳେ ସମାଜରୁ ଅନୀତି, ଦୁର୍ନୀତି, ଭ୍ରଷ୍ଟାଚାର, ଅନ୍ୟାଚାର, ବ୍ୟଭିଚାର ଲୋପ ହୋଇଯିବ ।
