ମୋହନା- ଗଜପତି ଜିଲ୍ଲା ଅଡ଼ବା ଥାନା ଅନ୍ତର୍ଗତ ବୁଢ଼ାନିକଡ୍ଡୀ ଗାଁ ନିକଟସ୍ଥ ଜଙ୍ଗଲରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତକଙ୍କ ନାମ ନନ୍ଦ ନାୟକ । ତାଙ୍କ ଘର ନିକଟସ୍ଥ ଝିଲିକି ଗ୍ରାମରେ ।
ଗତକାଲି ସଂନ୍ଧ୍ୟାରେ ନନ୍ଦ ନାୟକ ବୁଢାନିକଡ୍ଡୀ ଗାଁ ନିକଟସ୍ଥ ଜଙ୍ଗଲକୁ ସଲପ ମଦ ଆଣିବାକୁ ଯାଇଥିଲେ । ହେଲେ ରାତିରେ ସେ ଆଉ ଘରକୁ ଫେରିନଥିଲେ । ଆଜି ସକାଳେ ପରିବାର ଲୋକେ ତାଙ୍କ ମୃତଦେହ ଜଙ୍ଗଲରେ ପଡିଥିବା ଏବଂ ତାହା ମୁହଁ ମାଡି ତଳେ ପଡିଥିବା ଅବସ୍ଥାରେ ରହିଥିବା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଂଚି ଶବ ଜବତ କରିବା ସହ ଏହାକୁ ବ୍ୟବଚ୍ଛେଦ ନିମନ୍ତେ ପଠାଇଛି । ଏଥିସହ ଘଟଣାର ତଦନ୍ତ ଆରମ୍ଭ କରିଛି । ନନ୍ଦ ନାୟକଙ୍କୁ କେହି ହତ୍ୟା କରି ପରେ ଏଠାରେ ଫିଙ୍ଗି ଚାଲିଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି ।
