କେନ୍ଦୁଝର – କେନ୍ଦୁଝର ବନଖଣ୍ଡ ବର୍ତ୍ତମାନ କାଠ ମାଫିଆଙ୍କ ଭୂସ୍ବର୍ଗ ପାଳିଟିଥିବା ବେଳେ ସେମାନଙ୍କ ଦୋରାତ୍ମ୍ୟ ବଢିବାକୁ ଲାଗୁଛି । ଚୋରା କାଠ ଚାଲାଣ କରା ଯାଉଥିବା ବେଳେ ସଦର ଜଙ୍ଗଲ ବିଭାଗ ମଙ୍ଗଳବାର ରାତ୍ରୀରେ ତିନୋଟି ଚୋରା କାଠ ଗାଡି ସହ ତିନି ଲକ୍ଷ ଟଙ୍କା ର ଉର୍ଦ୍ଧ୍ବ ଟଙ୍କାର କାଠ ଜବତ କରିଛି ।
ମିଳିଥିବା ସୂଚନା ଅନୁସାରେ ସଦର ରେଞ୍ଜ ଚୋରା କାଠ ଚାଲାଣ ସଂକ୍ରାନ୍ତୀୟ ଖବର ପାଇ ଏସିଏଫ ଙ୍କ ନେତୃତ୍ୱରେ ଚାରୋଟି ଟିମ ଗଠନ କରା ଯାଇଥିଲା । ଏହି ଟିମ ଗତକାଲି ରାତିରେ କାଠ ଆସୁଥିବା ସ୍ଥାନରେ ତଦନ୍ତ କଡାକଡ଼ି କରିଥିଲେ । ବାଉରୀପଦା ନିକଟରେ ଚେକିଂ ସମୟରେ କାଠ ବୋଝେଇ ଦୁଇଟି ବାଲେରୋ ଜବତ କରାଯାଇଥିବା ବେଳେ ଶୁଆକାଠି ପଟୁ ଆସୁଥିବା ଏକ ସ୍କ୍ରିପିଓ କୁ ମଧ୍ୟ ଜବତ କରିଥିଲା ସଦର ପୋଲିସ । ତିନୋଟି ଗାଡିର ଡ୍ରାଇଭର ଫେରାର ହୋଇଯାଥିବା ବେଳେ ଗାଡି ମାଲିକଙ୍କ ନାମରେ କେସ କରାଯିବ ବୋଲି ସଦର ଫରେଷ୍ଟର ପ୍ରକାଶ କରିଛନ୍ତି ।
