ଭଦ୍ରକ- ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ଚଡ଼ଦିଆ ଗାଁରେ ଆଜି ସକାଳ ପ୍ରାୟ ୭ଟା ସମୟରେ ତୁଷାରକାନ୍ତ ମହାଳିକଙ୍କ ଘରେ ରନ୍ଧନ ଗ୍ୟାସ୍ ଲିକ୍ ରୁ ଅଗ୍ନିକାଣ୍ଡ ଘଟି ତିନି ପରିବାରର ୬ ବଖରା ଘର ଜଳିପୋଡ଼ି ଛାରଖାର ହୋଇଯିବା ସହ ତାଙ୍କ ପତ୍ନୀ ପୂର୍ଣ୍ଣିମା ଦାସ ଜୀବନ୍ତ ଦଗ୍ଧ ହୋଇଛନ୍ତି ।
ଗ୍ୟାସ ଟାଙ୍କି ଲିକ୍ ଥିବା ଜାଣିନପାରି ତୁଷାରକାନ୍ତଙ୍କ ପତ୍ନୀ ପୂର୍ଣ୍ଣିମା ଲାଇଟ୍ର ମାରିବାରୁ ଘରେ ନିଆଁ ଲାଗିଯାଇଥିଲା । ଗ୍ରାମବାସୀ ତୁରନ୍ତ ଏ ସମ୍ପର୍କରେ ଅଗ୍ନିଶମ ବିଭାଗକୁ ଖବର ଦେବା ସହ ନିଆଁକୁ ଲିଭାଇବାକୁ ଚେଷ୍ଟା କରି ବିଫଳ ହୋଇଥିଲେ । ଅଗ୍ନିଶମ ବିଭାଗର ଗାଡ଼ି ପହଁଚିବା ପୂର୍ବରୁ ୩ ପରିବାରର ୬ ବଖର ଘର ପୋଡ଼ିଯିବା ସହ ଅଗ୍ନିକାଣ୍ଡରେ ପୂର୍ଣ୍ଣିମାଙ୍କ ମୃତ୍ୟୁ ଘଟିଥିଲା ।
