ଜଗନ୍ନାଥ ପ୍ରସାଦ : ତା-୧୨.୦୨.୨୦୨୦ ରିଖ ସ୍ଥାନୀୟ ଆଞ୍ଚଳିକ ଡିଗ୍ରୀ କଲେଜ ପରିସରରେ ଅଧ୍ୟକ୍ଷ ସନାତନ ସାହୁଙ୍କ ପୌରୋହିତ୍ୟରେ ଦିନିକିଆ କ୍ୟାରିୟର କାଉନସିଲିଂ ସଚେତନତା କର୍ମଶାଳା ଅନୁଷ୍ଠିତ ହୋଇଯାଇଛି। ଉକ୍ତ କର୍ମଶାଳାଟି ଜିଲ୍ଲା ଶିଳ୍ପ କେନ୍ଦ୍ର, ଗଞ୍ଜାମ ତରଫରୁ ଆୟୋଜନ କରାଯାଇଥିଲା। ଏଥିରେ ସାଧନା ବ୍ଯକ୍ତି ରୂପେ ହିମାଂଶୁ ଶେଖର ସାହୁ, ଜିଲ୍ଲା ଶିଳ୍ପ ଅଧିକାରୀ ଯୋଗ ଦେଇ ପାଠ ପଢିବା ପରେ ନିଜର କ୍ୟାରିୟର କେଉଁ କେଉଁ ଦିଗରେ ଗଠନ କରାଯାଇପାରିବ ତାହା ପ୍ରାଞ୍ଜଳ ଭାବେ ଛାତ୍ରଛାତ୍ରୀଙ୍କୁ ବୁଝାଇ ଥିଲେ। ଏଥିରେ ଜଗନ୍ନାଥ ପ୍ରସାଦ ବି. ମାସର ପ୍ରକଳ୍ପ ଅଧିକାରୀ ଦାଶରଥି ତ୍ରିପାଠୀ ଯୋଗ ଦେଇ ଯୁବ ଗୋଷ୍ଠୀ କିପରି ଭବିଷ୍ୟତରେ କର୍ମ ନିଯୁକ୍ତି କ୍ଷେତ୍ରରେ ଯୋଗଦାନ କରିପାରିବେ ତାହା ସମସ୍ତ ଛାତ୍ରଛାତ୍ରୀ ମାନଙ୍କୁ ବୁଝାଇ ଥିଲେ। ଉକ୍ତ କର୍ମଶାଳାରେ କଲେଜ ର ବହୁ ଛାତ୍ରଛାତ୍ରୀଙ୍କ ସହ ଅଧ୍ଯାପକ ଡଃ ବିନୋଦ କୁମାର ଦାସ ଓ ଡଃ ପ୍ରମୋଦ କୁମାର ଚୌଧୁରୀ ଉପସ୍ଥିତ ଥିଲେ। ଏହି ଅବସରରେ ଯୁବ ଉଦ୍ୟୋଗୀ ସୁଧୀର କୁମାର ସ୍ଵାଇଁଙ୍କୁ ଅଧ୍ୟକ୍ଷ ଉପଢୈାକନ ଦେଇ ସମ୍ମାନିତ କରିଥିଲେ। ତତ୍ ସଙ୍ଗେ ସଙ୍ଗେ ବିଜୁ ଯୁବ ବାହିନୀ ବ୍ଳକ ସଂଯୋଜକ ଗୋପିନାଥ ସାହୁ ଯୋଗଦେଇଥିଲେ। ଏହି କର୍ମଶାଳାରେ ଡି.ଇ.ଓ ସରୋଜ କୁମାର ନାୟକ ସହଯୋଗ କରିଥିବା ବେଳେ ଅଧ୍ଯାପକ ବିରଞ୍ଚି ନାରାୟଣ ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
