ଭୁବନେଶ୍ୱର– ଭାରତ ନିର୍ବାଚନ ଆୟୋଗଗତ ୬ ଅକ୍ଟୋବରରେ ବିହାର ବିଧାନସଭାର ସାଧାରଣ ନିର୍ବାଚନ ଏବଂ ୮ଟି ବିଧାନସଭା ଆସନରେ ଉପ-ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରିଥିଲେ। ଆୟୋଗ ମୁଖ୍ୟ ନିର୍ବାଚନ ଅଧିକାରୀ ମାନଙ୍କୁ ଭିନ୍ନକ୍ଷମ ବ୍ୟକ୍ତିମାନଙ୍କ ପାଇଁ ନିର୍ବାଚନରସୁଗମତାକୁସୁନିଶ୍ଚିତ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।
ବିହାରରେ, ମତଦାନ କେନ୍ଦ୍ରଗୁଡିକ ତଳ ମହଲା/ରାସ୍ତାର ପ୍ରବେଶପଥରେ ଅବସ୍ଥିତ ହେବ। ଭିନ୍ନକ୍ଷମ ଭୋଟର ଏବଂ ହ୍ୱିଲଚେୟାରରେ ଥିବା ବରିଷ୍ଠ ନାଗରିକଙ୍କ ସୁବିଧା ପାଇଁ ଗ୍ରାଡିଏଂଟ ସହିତ ରାମ୍ପର ବ୍ୟବସ୍ଥା କରାଯିବ । ଏହା ସହିତ, ଭିନ୍ନକ୍ଷମ ଭୋଟର ଏବଂ ବରିଷ୍ଠ ନାଗରିକମାନଙ୍କୁ ମତଦାନ କେନ୍ଦ୍ରରେ ପ୍ରବେଶ ପାଇଁ ପ୍ରାଥମିକତା ଦେବାକୁ ନିର୍ଦ୍ଦେଶ ଦିଆଯାଇଛି। ଦୃଷ୍ଟିହୀନ ବ୍ୟକ୍ତିମାନଙ୍କ ସୁବିଧା ଦେବା ପାଇଁ, ଆୟୋଗ ନିୟମିତ ଭୋଟର ସୂଚନା ସ୍ଲିପ୍ ସହିତ ବ୍ରେଲି ବୈଶିଷ୍ଟ୍ୟ ସହିତ ସମୁଚିତ ଭୋଟର ସୂଚନା ସ୍ଲିପ୍ ଜାରି କରିବାକୁ ନିର୍ଦ୍ଦେଶ ଦେଇଛନ୍ତି। ନିର୍ବାଚନ ଆଚରଣ ନିୟମ, ୧୯୬୧ ର ନିୟମ ୪୯ଏନ ଅନୁଯାୟୀ, ଦୃଷ୍ଟିହୀନ ବ୍ୟକ୍ତିମାନେ ମତଦାନ କେନ୍ଦ୍ରରେ ନିଜ ପକ୍ଷରୁ ଭୋଟ ଦେବା ପାଇଁ ଜଣେ ସାଥୀକୁ ସାଙ୍ଗରେ ନେଇପାରିବେ। ସମସ୍ତ ମତଦାନ କେନ୍ଦ୍ରରେ ଡମି ବାଲଟ୍ ସିଟ୍ ବ୍ରେଲିରେମଧ୍ୟ ଉପଲବ୍ଧ କରାଯିବ। ଯେକୌଣସି ଦୃଷ୍ଟିହୀନ ଭୋଟର ଏହି ସିଟ୍ ବ୍ୟବହାର କରି ସହଯୋଗୀଙ୍କ ସାହାଯ୍ୟ ବିନା ଇ.ଭି.ଏମ୍ ର ବାଲଟ୍ ୟୁନିଟ୍ ରେ ବ୍ରେଲି ସୁବିଧା ବ୍ୟବହାର କରି ନିଜେ ଭୋଟ ଦେଇପାରିବେ।
ଆୟୋଗ ନିର୍ଦ୍ଦେଶ ଦେଇଛନ୍ତି ଯେ ମତଦାନ ଦିନ ମତଦାନ କେନ୍ଦ୍ରରେ ଭିନ୍ନକ୍ଷମମାନଙ୍କ ପାଇଁ ଉପଯୁକ୍ତ ପରିବହନ ସୁବିଧା ରହିବା ଉଚିତ। ଭିନ୍ନକ୍ଷମ ଭୋଟରମାନେ ସକ୍ଷମ ମଡ୍ୟୁଲ୍ ରେ ପଞ୍ଜୀକରଣ କରି ପରିବହନ ଏବଂ ହ୍ୱିଲଚେୟାର ସୁବିଧା ପାଇଁ ମଧ୍ୟ ଅନୁରୋଧ କରିପାରିବେ। ବିହାରର ପ୍ରତ୍ୟେକ ୯୦,୭୧୨ ମତଦାନ କେନ୍ଦ୍ରରେ ଏହି ସୁବିଧା ଉପଲବ୍ଧ ହେବ। ଏହା ସହିତ, ଅନ୍ୟ ଏକ ପଦକ୍ଷେପ କ୍ରମେ, ୨୯୨ ମତଦାନ କେନ୍ଦ୍ର କେବଳ ଭିନ୍ନକ୍ଷମ ବ୍ୟକ୍ତିମାନଙ୍କ ଦ୍ୱାରା ପରିଚାଳିତ ହେବ।
