ଉନ୍ନୟନ,ସଂଖ୍ୟା ଲଘୁ ଓ ପଛୁଆବର୍ଗ କଲ୍ୟାଣ ବିଭାଗର ମାନ୍ୟବର ମନ୍ତ୍ରୀ ଶ୍ରୀ ନିତ୍ୟାନନ୍ଦ ଗଣ୍ଡଙ୍କ ଉପସ୍ଥିତିରେ HDFC ବ୍ୟାଙ୍କ ସହିତ ଏକ ବିବାହ ପ୍ରୋତ୍ସାହନ ରାଶି ପ୍ରଦାନ ନିମନ୍ତେ ବୁଝାମଣାପତ୍ର ସ୍ୱାକ୍ଷରିତ ହୋଇଅଛି ।
ଏହି କାର୍ଯ୍ୟକ୍ରମରେ ସମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗର ଅତିରିକ୍ତ ଶାସନ ସଚିବ, HDFC ବ୍ୟାଙ୍କର ଅଧିକାରୀ, କର୍ମଚାରୀ ଏବଂ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗର ଅନ୍ୟାନ୍ୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ। ଏହି ବୁଝାମଣା ପତ୍ର ସ୍ୱାକ୍ଷରିତ ହେବା ଦ୍ଵାରା ଓଡ଼ିଶାର ବହୁ ହିତାଧିକାରୀ ଲାଭବାନ ହୋଇପାରିବେ ।ଏହି ରାଶି ଭିନ୍ନକ୍ଷମ ହିତାଧିକାରୀମାନଙ୍କୁ ଟଙ୍କା 250000/-(ଦୁଇଲକ୍ଷ୍ୟ ପଚାଶ ହଜାର ଟଙ୍କା)ତିନିଟି କିସ୍ତିରେ ପ୍ରଦାନ କରାଯିବ ।ଏହି ପ୍ରୋତ୍ସାହନ ରାଶି ପାଇଁ ଭିନ୍ନକ୍ଷମ ହିତାଧିକାରୀ ବିବାହର ରେଜିଷ୍ଟ୍ରେସନ୍ କରିବାର ବର୍ଷକ ମଧ୍ୟରେ ଅନଲାଇନ୍ ମାଧ୍ୟମରେ ଆବେଦନ କରିବେ । ବିବାହର ପ୍ରଥମ ବର୍ଷ ପୂରଣ ହେଲେ 25,000/-(10%) ଦ୍ଵିତୀୟ ବର୍ଷ ପୂରଣ ହେଲେ 25000/-(10%)ଏବଂ ତୃତୀୟ ବର୍ଷ ପୂରଣ ପରେ 200,000/-(80%)ଟଙ୍କା ବିବାହ ପ୍ରୋତ୍ସାହନ ରାଶି ପ୍ରଦାନ କରାଯିବ। ଏହି ବିବାହ ପ୍ରୋତ୍ସାହନ ରାଶି ଦିବ୍ୟାଙ୍ଗ ହିତାଧିକାରୀ ମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ୍ କରିବା ପାଇଁ ସହାୟକ ହେବ ।
