ମୁମ୍ବାଇ, ପଡ଼ୋଶୀ ଜିଲ୍ଲା ଥାଣେ ଏବଂ ପାଲଘର ପାଇଁ ‘ଅରେଞ୍ଜ’ ଆଲର୍ଟ ଜାରି କରିଛି । ମୁମ୍ବାଇ ଏବଂ ଏହାର ଉପକଣ୍ଠରେ ପ୍ରବଳ ବର୍ଷା ଯୋଗୁଁ ରେଳ ଟ୍ରାକରେ ପାଣି ଜମି ରହିଛି, ରାସ୍ତାରେ ପାଣି ଜମି ରହିଛି, ଯାହା ଫଳରେ ରେଳ ସେବା ଏବଂ ସଡ଼କ ସେବା ପ୍ରଭାବିତ ହୋଇଛି ।
ମୁମ୍ବାଇ ନଗର ନିଗମର ଆୟୁକ୍ତ ଭୂଷଣ ଗଗରାନୀ ସ୍କୁଲ ଏବଂ କଲେଜରେ ଦ୍ୱିତୀୟ ଅଧିବେଶନ ନିମନ୍ତେ ଛୁଟି ଘୋଷଣା କରିଛନ୍ତି ଏବଂ ଜରୁରୀ କାମ ଥିଲେ ହିଁ ଘରୁ ବାହାରକୁ ଯିବାକୁ ନାଗରିକମାନଙ୍କୁ ଅନୁରୋଧ କରିଛନ୍ତି । କେନ୍ଦ୍ରୀୟ ରେଳବାଇର ମୁଖ୍ୟ ଜନସମ୍ପର୍କ ଅଧିକାରୀ ସ୍ୱପ୍ରୀଲ ନୀଲା ମଧ୍ୟ ସାଧାରଣ ନାଗରିକଙ୍କୁ ଜରୁରୀ କାମ ଥିଲେ ହିଁ ଘରୁ ବାହାରକୁ ଯିବାକୁ ଅନୁରୋଧ କରିଛନ୍ତି । ଇଣ୍ଡିଗୋ, ଏୟାର ଇଣ୍ଡିଆ ପକ୍ଷରୁ ମଧ୍ୟ ସମାନ ଅପିଲ୍ କରାଯାଇଛି ।
ଭାରତୀୟ ପାଣିପାଗ ବିଭାଗ ଆଜି କହିଛି ଯେ, ଆଗାମୀ ୪୮ ଘଂଟା ମଧ୍ୟରେ ମୁମ୍ବାଇ ଏବଂ ଏହାର ଉପକଣ୍ଠରେ ମଧ୍ୟମରୁ ପ୍ରବଳ ବର୍ଷା ହେବାର ସମ୍ଭାବନା ରହିଛି । ବିଶେଷକରି ରାତିରେ ପ୍ରବଳ ପବନ ସହିତ ପ୍ରବଳ ବର୍ଷା ହେବାର ସମ୍ଭାବନା ଅଛି । ଗତକାଲି ରାତିରୁ ମୁମ୍ବାଇରେ ଲଗାତାର ପ୍ରବଳ ବର୍ଷା ଯୋଗୁଁ ମୁମ୍ବାଇର ତଳିଆ ଅଂଚଳରେ ପାଣି ଜମି ରହିଛି । ପାଣି ଜମି ରହିବା ଯୋଗୁଁ, ଅନ୍ଧେରୀ ମେଟ୍ରୋର ଉଭୟ ଲେନ୍ ଆଜି ଯାନବାହାନ ଚଳାଚଳ ପାଇଁ ବନ୍ଦ କରାଯାଇଛି ।
