ମୁମ୍ବାଇ– ନବୀ ମୁମ୍ବାଇର ପାମ୍ ବିଚ୍ ରୋଡ୍ ନେରୁଲ ସେକ୍ଟର – ୪୪ରେ ଅନ୍ତର୍ଗତ ସିବୁଡସ୍ ସ୍ଥିତ ଏକ ଆପାର୍ଟମେଂଟରେ ଭୟାଭୟ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ କାହାରି ମୃତ୍ୟୁ ଘଟି ନଥିଲେ ହେଁ ନିଆଁ ଲିଭାରେ ନିୟୋଜିତ ୩ ଜଣ ଅଗ୍ନିଶମ କର୍ମଚାରୀ ଆହତ ହୋଇଛନ୍ତି ।
ସୂଚନା ଅନୁଯାୟୀ ସିବୁଡସ୍ ଠାରେ ଥିବା ସିହୋମସ୍ ବିଲଡିଂରେ ଶନିବାର ସକାଳେ ନିଆଁ ଲାଗି ଯାଇଥିଲା । ବିଲ୍ଡିଂ ର ୨୦ ଏବଂ ୨୧ ତମ ମହଲାରେ ପ୍ରଥମେ ନିଆଁ ଲାଗିଥିଲା । ଖବର ମିଳିବାରେ ପରେ ୨ ଟି ଗାଡିରେ ୬୦ ଜଣ ଯବାନ ଘଟଣାସ୍ଥଳରେ ପହଂଚି ବିଲ୍ଡିଂ ଖାଲି କରାଇଥିଲେ ଓ ନିଆଁ ଲିଭାଇବାକୁ ଅଗ୍ନିଶମ କର୍ମଚାରୀମାନେ ଉଦ୍ୟମ କରିଥିଲେ । ତେବେ ନିଆଁ ଲିଭାଉଥିବା ବେଳେ ,୩ ଜଣ ଅଗ୍ନିଶମ କର୍ମଚାରୀଙ୍କ ଦେହରେ ନିଆଁ ଲାଗି ଯାଇଥିଲା । ସେମାନଙ୍କୁ ଉଦ୍ଧାର କରାଯାଇ ୱାସି ସ୍ଥିତ ହସ୍ପିଟାଲରେ ଭର୍ତି କରାଯାଇଛି । ତେବେ ନିଆଁ କିଭଳି ଲାଗିଲା ତାହା ସ୍ପଷ୍ଟ ହୋଇନାହିଁ ।
