ତେହରାନ/ଜେରୁଜେଲମ-ଇରାନ ଓ ଇସ୍ରାଏଲ୍ ମଧ୍ୟରେ ବୃଦ୍ଧି ପାଉଥିବା ସାମରିକ ଉତ୍ତେଜନା ମଧ୍ୟରେ ପରିସ୍ଥିତି ଆଉ ଗଭୀର ହୋଇଛି। ଇସ୍ରାଏଲି ସେନା ଶନିବାର କହିଛି ଯେ ସେମାନେ ଇରାନର ସରଫେସ-ଟୁ-ସରଫେସ ମିସାଇଲ୍ ସ୍ଥଳୀ ଉପରେ ଆକ୍ରମଣ କରୁଛନ୍ତି ଏବଂ ଏହି ଅଭିଯାନ ଜାରି ରହିବ।
ଇସ୍ରାଏଲ୍ ପ୍ରତିରକ୍ଷା ବାହିନୀ କହିଛି ଯେ ଇରାନ ସହ ଏପର୍ଯ୍ୟନ୍ତ ଏମିତି ଏକ ଅସ୍ତ୍ରାଗାର ଅଛି, ଯାହା ଇସ୍ରାଏଲ୍କୁ ଗଭୀର କ୍ଷତି ପହଞ୍ଚାଇପାରିବ। ସେନା କହିଛି, “ଆମେ ଇରାନ ଉପରେ ଆକ୍ରମଣ କରୁଛୁ, ଏବଂ ଏହି ସଂଘର୍ଷ ଏବେ ସମାପ୍ତ ହୋଇନାହିଁ। ଇସ୍ରାଏଲ୍ ପାଇଁ ଯେଉଁସବୁ ବସ୍ତୁ କିମ୍ବା ପରିସ୍ଥିତି ବିପଦ ସୃଷ୍ଟି କରୁଛି, ସେଗୁଡିକୁ ସମ୍ପୂର୍ଣ୍ଣ ଭାବରେ ଧ୍ୱଂସ କରାଯିବ।”
ଏହାରି ମଧ୍ୟରେ, ଇରାନର ସର୍ବୋଚ୍ଚ ନେତା ଅୟାତୁଲ୍ଲା ଅଲି ଖାମେନେଇଙ୍କ ବରିଷ୍ଠ ପରାମର୍ଶଦାତା ଅଲି ଶମଖାନିଙ୍କ ଏକ ହସ୍ପିଟାଲରେ ମୃତ୍ୟୁ ହୋଇଛି। ଇରାନୀ ମିଡିଆ ଅନୁସାରେ, ତାଙ୍କର ମୃତ୍ୟୁ ଇସ୍ରାଏଲର ବିମାନ ଆକ୍ରମଣ ହେବାର ଗୋଟିଏ ଦିନ ପରେ ଘଟିଛି, ଯଦିଓ ମୃତ୍ୟୁର ସ୍ପଷ୍ଟ କାରଣ ସାମ୍ନାକୁ ଆସିନାହିଁ। ଶମଖାନି ଦୀର୍ଘ ସମୟ ଧରି ଇରାନର ଜାତୀୟ ସୁରକ୍ଷା ପ୍ରମୁଖ ଭାବରେ କାର୍ଯ୍ୟ କରିଥିଲେ ଏବଂ ସାଉଦି ଅରବ ସହିତ ଚୀନର ମଧ୍ୟସ୍ଥତାରେ ହୋଇଥିବା ଐତିହାସିକ ସମ୍ମିଳନୀରେ ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ।
