ନୂଆଦିଲ୍ଲୀ-ଭାରତୀୟ ମହାକାଶ ଯାତ୍ରୀ ଶୁଭାଂଶୁ ଶୁକ୍ଳା ଓ ତିନିଜଣ ଅନ୍ୟ ଆଷ୍ଟ୍ରୋନଟ୍ଙ୍କ ପାଇଁ ମହାକାଶ ଷ୍ଟେସନ୍ ଯାଏ ଐତିହାସିକ ଯାତ୍ରାକୁ ପୁନର୍ବାର ବାତିଲ୍ କରାଯାଇଛି। ଆଜି ଆକ୍ସିଓମ୍-୪ ମିଶନର ଲଞ୍ଚିଂ ହେବାର ଥିଲା। କିନ୍ତୁ ଲଞ୍ଚିଂ ବାହନରେ ଲିକ୍ ହେଉଥିବାରୁ ଏହାକୁ ପୁଣି ବାତିଲ୍ କରାଯାଇଛି। ଇସ୍ରୋ ମୁଖ୍ୟ ଡ଼ଃ ଭି. ନାରାୟଣନ ଏହି ସୂଚନା ଏକ୍ସରେ ଦେଇଛନ୍ତି।
ଡ଼ଃ ନାରାୟଣନ କହିଛନ୍ତି ଯେ, ଆଇଏସଏସ୍ ଉପରେ ପ୍ରଥମ ଭାରତୀୟ ଗଗନଯାତ୍ରୀଙ୍କୁ ପଠାଇବା ପାଇଁ ୧୧ ଜୁନ୍ ରେ ଲଞ୍ଚ ହେବାକୁ ଥିବା ଆକ୍ସିଓମ୍-୪ ମିଶନକୁ ବାତିଲ୍ କରାଯାଇଛି। ଫାଲ୍କନ୍ ୯ ଲଞ୍ଚ ବାହନର ବୁଷ୍ଟର୍ ଚରଣର କାର୍ଯ୍ୟଦକ୍ଷତାକୁ ମାନ୍ୟତା ଦେବା ପାଇଁ, ଲଞ୍ଚ ବାହନ ପ୍ରସ୍ତୁତିର ଏକ ଅଂଶ ଭାବେ ଲଞ୍ଚ ପ୍ୟାଡ୍ ଉପରେ ୭ ସେକେଣ୍ଡର ଏକ ହଟ୍ ଟେଷ୍ଟ କରାଯାଇଥିଲା।
ଏହି ପରୀକ୍ଷଣ ସମୟରେ ପ୍ରଣୋଦନ ବେ ମଧ୍ୟରେ ଲିକ୍ ହୋଇଥିଲା। ଏହି ଅବସ୍ଥାରେ, ଇସ୍ରୋ ଟିମ୍ ଆକ୍ସିଓମ୍-୪ ଓ ସ୍ପେସଏକ୍ସର ଏକ୍ସପର୍ଟ୍ମାନେ ସହିତ ଆଲୋଚନା କରି, ଲଞ୍ଚ ପূର୍ବରୁ ଏହି ଲିକ୍କୁ ଠିକ୍ କରିବା ଓ ଆବଶ୍ୟକ ସତ୍ୟାପନ ପରୀକ୍ଷା କରିବା ପାଇଁ ନିଷ୍ପତ୍ତି ନେଇଛନ୍ତି।
ଏହି କାରଣରୁ, ଆଇଏସଏସ୍ ଉପରେ ପ୍ରଥମ ଭାରତୀୟ ଗଗନଯାତ୍ରୀଙ୍କ ପଠାଇବା ପାଇଁ ୧୧ ଜୁନ୍ରେ ହେବାକୁ ଥିବା ଏକ୍ସିଓମ୍-୪ ମିଶନ୍ର ଲଞ୍ଚ ବାତିଲ୍ କରାଯାଇଛି।
