ବେଙ୍ଗାଲୁରୁ -ଚିନ୍ନାସ୍ୱାମୀ ଷ୍ଟାଡିଅମ୍ ନିକଟରେ ଘଟିଥିବା ଦଳାଚକଟା ଘଟଣାକୁ ନେଇ କର୍ଣ୍ଣାଟକ ବିଜେପି ରବିବାର ରାଜ୍ୟ ସରକାର ବିରୋଧରେ ବିଧାନ ସୌଧରେ ମହାତ୍ମା ଗାନ୍ଧୀଙ୍କ ପ୍ରତିମା ପାଖରେ ପ୍ରଦର୍ଶନ କରିଛନ୍ତି । ବିଜେପି ନେତାମାନେ ରାଜ୍ୟର ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଥିଲେ। ସେମାନେ ଏହି ଘଟଣା ଉପରେ ଆଲୋଚନା ପାଇଁ ବିଧାନସଭାର ଏକ ବିଶେଷ ଅଧିବେଶନ ଡାକିବାକୁ ମଧ୍ୟ ଦାବି କରିଛନ୍ତି।
ଆଇପିଏଲରେ ଆରସିବିର ବିଜୟ ପ୍ୟାରେଡ୍ ସମୟରେ ଘଟିଥିବା ଏହି ଦଳାଚକଟାରେ ୧୧ ଜଣଙ୍କ ମୃତ୍ୟୁ ଘଟିଥିଲା, ଯେଉଁଥିରେ ୫୦ରୁ ଅଧିକ ଲୋକ ଆହତ ହୋଇଥିଲେ।
ବିଜେପି ନେତାମାନେ ରବିବାର ଚିନ୍ନାସ୍ୱାମୀ ଷ୍ଟାଡିଅମ୍ ବାହାରେ ଘଟିଥିବା ଦଳାଚକଟାକୁ ନେଇ ରାଜ୍ୟ ସରକାର ବିରୋଧରେ ପ୍ରଦର୍ଶନ କରିଥିଲେ। ବିଧାନ ସୌଧରେ ବିକ୍ଷୋଭ ପ୍ରଦର୍ଶନ ସମୟରେ ବିଜେପି ନେତାମାନେ ପୀଡିତଙ୍କର ପରିବାର ପାଇଁ କ୍ଷତିପୂରଣ ରାଶିକୁ ୨୫ ଲକ୍ଷ ଟଙ୍କାରୁ ବୃଦ୍ଧି କରି ୧ କୋଟି ଟଙ୍କା କରିବା, କର୍ଣ୍ଣାଟକ ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶଙ୍କ ନେତୃତ୍ୱରେ ନ୍ୟାୟିକ ତଦନ୍ତ ଆରମ୍ଭ କରିବା ଓ ଅଧିକାରୀମାନଙ୍କୁ ନିଲମ୍ବିତ କରିବା ପରିବର୍ତ୍ତେ ମନ୍ତ୍ରୀମାନଙ୍କ ଇସ୍ତଫା ଦାବି କରିଛନ୍ତି। ବିଜେପି ଏହି ଘଟଣା ବିଷୟରେ ଆଲୋଚନା ପାଇଁ ବିଧାନସଭାର ଏକ ବିଶେଷ ଅଧିବେଶନ ଡାକିବାକୁ ମଧ୍ୟ ଦାବି କରିଛି।
