ଜୟପୁର – ବୈପାରୀଗୁଡା ସମ୍ମନ୍ବିତ ଶିଶୁ ବିକାଶ ଯୋଜନାର ଅଧିକାରୀ (ସିଡିପିଓ) ନିଲମ୍ବିତ ହୋଇଥିବା ଜଣାପଡିଛି l ଓଡିଶା ସରକାର ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ବୈପାରୀଗୁଡା ବ୍ଲକ ସିଡିପିଓ ସୁରମା ମହାପାତ୍ରଙ୍କୁ ଆଜି କାର୍ଯ୍ୟରୁ ନିଲମ୍ବିତ କରାଯାଇଥିବା ସୂଚନା ମିଳିଛି l ମହାପାତ୍ର ବୈପାରୀଗୁଡା ସୁପରଭାଇଜର ଓ ଅଙ୍ଗନବାଡି କର୍ମୀଙ୍କୁ ମାନସିକ ନିର୍ଯାତନା ଦେଉଥିଲେ, ନୂତନ ଅଙ୍ଗନବାଡି କର୍ମୀଙ୍କ ଠାରୁ ଲାଞ୍ଚ ଆଦାୟ କରୁଥିଲେ, ଗରମ ରନ୍ଧା ଖାଦ୍ୟ, ଖେଳନା କିଣା ପରି ବହୁ ଦୁର୍ନୀତିରେ ଲିପ୍ତ ଥିବା ନେଇ ପୂର୍ବରୁ ବହୁବାର ଅଙ୍ଗନବାଡି କର୍ମୀ ମାନେ ଅଭିଯୋଗ କରିଆସୁଥିଲେ l ବିଭିନ୍ନ ଗଣମାଧ୍ୟମରେ ସିଡିପିଓଙ୍କ ଦୁର୍ନୀତିର ଖବର ବହୁବାର ପ୍ରସାରଣ ମଧ୍ୟ ହୋଇଥିଲା l ଘଟଣାର ତଦନ୍ତ ପୂର୍ବକ କାର୍ଯ୍ୟରେ ଅବହେଳା ପ୍ରଦର୍ଶନ କରୁଥିବା ଦର୍ଶାଇ ତାଙ୍କୁ ନିଲମ୍ବନ କରାଯାଇଛି ।
