ବନେଶ୍ୱର- ବରଗଡରେ ସିଟି ହସପିଟାଲ ଦାବିରେ ଏକତା ମଂଚ ପକ୍ଷରୁ ମଙ୍ଗଳବାର ଦିନ ବରଗଡ ବନ୍ଦ ପାଳନ କରା ଯାଉଛି ।
ବନ୍ଦ ଆହ୍ୱାନ ଫଳରେ ବରଗଡରେ ଦୋକାନ- ବଜାର ଓ ବ୍ୟବସାୟିକ ପ୍ରତିଷ୍ଠାନ ବନ୍ଦ ରହିଥିବା ବେଳେ ରାସ୍ତାରେ ଟ୍ରାଫିକ ମଧ୍ୟ ଖୁବ କମ ରହିଥିବା ଜଣାପଡିଛି ।
ଏକତା ମଂଚର କର୍ମକର୍ତା ମାନେ ସୋମବାର ସକାଳୁ ରାସ୍ତାକୁ ଆସି ବନ୍ଦକୁ ସଫଳ କରିବାକୁ ପିକେଟିଂ କରୁଥିବା ଦେଖିବାକୁ ମିଳିଥିଲା । ସେମାନେ ବିଭିନ୍ନ ଛକରେ ଯାନବାହନକୁ ଅଟକାଇଥିଲେ ।
ଉଲ୍ଲେଖନୀୟ ଯେ ବରଗଡ ଜିଲ୍ଲା ହସପିଟାଲକୁ ଦଶ କିମି ଦୂରକୁ ଉଠାଇ ନିଆ ଯିବା ପରେ ବରଗଡର ସ୍ଥାନୀୟ ଲୋକ ମାନେ ସହରରେ ଥିବ ପୁରୁଣା ହସପିଟାଲକୁ ସିଟି ହସପିଟାଲ କରିବାକୁ ଦାବି କରି ଆନ୍ଦୋଳନ କରୁଛନ୍ତି । ସୋମବାର ଦିନ ଶହ ଶହ ସଂଖ୍ୟାରେ ଲୋକ ମାନେ ଏହି ଦାବି ନେଇ ଧାରଣା ଦେଇଥିବା ବେଳେ ପୋଲିସ ଓ ଆନ୍ଦୋଳନକାରୀ ମାନଙ୍କ ମଧ୍ୟରେ ମୁହାଁ ମୁହିଁ ପରିସ୍ଥିତି ଉତ୍ପନ୍ନ ହୋଇଥିଲା ।
