ଭାରତ-ପାକିସ୍ତାନ ଉତ୍ତେଜନା ମଧ୍ୟରେ ବିମାନ ସେବା ପ୍ରଭାବିତ

ନୂଆଦିଲ୍ଲୀ, ଭାରତ ଦ୍ୱାରା ପାକିସ୍ତାନର 9ଟି ଆତଙ୍କବାଦୀ ଠିକଣା ଉପରେ ଗତକାଲି ବିଳମ୍ବିତ ରାତିରେ ହୋଇଥିବା ଆକ୍ରମଣ ପରେ ସୃଷ୍ଟି ହୋଇଥିବା ସାମରିକ ଉତ୍ତେଜନାର ପ୍ରଭାବ ବିମାନ ସେବା ଉପରେ ବି ଦେଖିବାକୁ ମିଳିଛି । ସୁରକ୍ଷା କାରଣରୁ ଦେଶର କିଛି ଏୟାରପୋର୍ଟରୁ ଉଡାଣ ସେନା ଅସ୍ଥାୟୀ ଭାବେ ବନ୍ଦ କରିଦିଆଯାଇଛି । ଏୟାର ଇଣ୍ଡିଆ, ଇଣ୍ଡିଗୋ ଓ ସ୍ପାଇସଜେଟ ପରି ପ୍ରମୁଖ ବିମାନ କଂପାନୀ ନିଜ ନିଜ ବୟାନ ଜାରି କରି ଯାତ୍ରୀଙ୍କୁ ସତର୍କ ରହିବାକୁ ଓ ଅପଡେଟ ରହିବାକୁ ପରାମର୍ଶ ଦେଇଛନ୍ତି ।
ଏୟାର ଇଣ୍ଡିଆ ଏକ ବୟାନରେ କହିଛି ଯେ, ଜମ୍ମୁ, ଶ୍ରୀନଗର, ଲେହ, ଯୋଧପୁର, ଅମୃତସର, ଭୁଜ, ଜାମନଗର, ଚଣ୍ଡିଗଡ ଓ ରାଜକୋଟରୁ ମେ 7 ତାରିଖ 12ଟା ଯାଏ ସମସ୍ତ ଉଡାଣକୁ ରଦ୍ଦ କରିଦିଆଯାଇଛି । କଂପାନୀ କହିଛି ଯେ, ଏହି ନିଷ୍ପତ୍ତି ସ୍ଥାନୀୟ ଅଧିକାରୀଙ୍କ ଠାରୁ ଆଗାମୀ ନିର୍ଦ୍ଦେଶ ମିଳିବା ଯାଏ ନିଆଯାଇଛି ।