କେନ୍ଦ୍ରାପଡ଼ା – କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ତରଡିପାଳ ଗ୍ରାମରେ କାର୍ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ଜଣାପଡିଛି । ସୂଚନା ମୁତାବକ ସାଲେପୁର ଥାନା ଅଧିନ ନିଶ୍ଚିତକୋଇଲି ଗ୍ରାମର ନିହାର ରଂଜନ ସାହୁଙ୍କ ପୁଅ ଶ୍ରୀନିବାସ ସାହୁ ତରଡିପାଳ ଗ୍ରାମରେ ରହୁଥିଲେ । ରବିବାର ମଧ୍ୟାହ୍ନ ୧ଟା ବେଳେ ନିଜ କାର୍ରେ ଯାଉଥିବାବେଳେ କାର୍ଟିଏ ଖାଲ ଭିତରେ ଗଳି ପଡିଥିଲା । ସ୍ଥାନୀୟ ଲୋକେ ତାକୁ ଉଦ୍ଧାର କରି ଡାକ୍ତରଖାନାକୁ ନେଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୋଲିସ୍ ଶବ ଜବତ କରି କେନ୍ଦ୍ରାପଡା ମୁଖ୍ୟ ଚିକିତ୍ସାଳୟରେ ବ୍ୟବଚ୍ଛେଦ କରାଇଥିବା ଜଣାପଡିଛି ।
