ନୂଆଦିଲ୍ଲୀ– କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଜେପି ନଡ୍ଡା ଗୁରୁବାର ଶୂନ୍ୟ ଖସରା-ରୁବେଲା ଅଭିଯାନ 2025-26ର ଶୁଭାରମ୍ଭ କରିଛନ୍ତି ଏବଂ ଏହାର ଆଇଇସି ସାମଗ୍ରୀ ଜାରି କରିଛନ୍ତି । ଏହି ଅବସରରେ ସ୍ୱାସ୍ଥ୍ୟମନ୍ତ୍ରୀ ମନ୍ତ୍ରାଳୟରେ ଆୟୋଜିତ କାର୍ଯ୍ୟକ୍ରମରେ କହିଛନ୍ତି ଯେ, ଜାନୁୟାରୀରୁ ମାର୍ଚ୍ଚ 2025 ଯାଏ ଦେଶର 322 ଜିଲ୍ଲାରେ ଖସରା ଓ 487 ଜିଲ୍ଲାରେ ରୁବେଲାର କୌଣସି ବି ମାମଲା ଆସିନି ।
କେନ୍ଦ୍ରମନ୍ତ୍ରୀ କହିଛନ୍ତି ଯେ, ଏହି ଅଭିଯାନ କେବଳ ଖସରା ଓ ରୁବେଲା ବିରୁଦ୍ଧ ଟିକାକରଣ ଅଭିଯାନ ନୁହେଁ ବରଂ ଏହି ଦେଶର କୋଟି କୋଟି ପିଲାଙ୍କ ଜୀବନର ଗୁଣବତ୍ତାରେ ସୁଧାର ଆଣିବାର ଏକ ତରିକା ଅଟେ । ସେ ନଜର ରଖିବାର ଗୁରୁତ୍ୱକୁ ବି ରେଖାଙ୍କିତ କରିଛନ୍ତି ଏବଂ କହିଛନ୍ତି ଯେ, ଏକିକୃତ ରୋଗ ନଜର ରଖିବା କାର୍ଯ୍ୟକ୍ରମକୁ ଦେଶରେ ଖସରା ଓ ରୁବେଲାର ପ୍ରତ୍ୟେକ ମାମଲାର ନଜର ରଖିବା ଉଚିତ ଏବଂ ଗୋଟିଏ ବି ମାମଲାକୁ ଅଣଦେଖା କରିବା ଉଚିତ ନୁହେଁ ।
