ଜୟପୁର– ଜୟପୁର ବ୍ଲକ ଅନ୍ତର୍ଗତ ଏକମ୍ବା ଉଚ୍ଚ ବିଦ୍ୟାଳୟରେ ପ୍ରବେଶ ଉତ୍ସବ ଓ ଯୋଗ ଶିବିର ବହୁ ଆଡମ୍ବରରେ ପାଳିତ ହୋଇଥିଲା । ନୂତନ ଭାବରେ ନବମ ଶ୍ରେଣୀରେ ନାମ ଲେଖାଇବା ପାଇଁ ଆସିଥିବା ଛାତ୍ରଛାତ୍ରୀମାଙ୍କୁ ଦଶମ ଶ୍ରେଣୀର ଛାତ୍ରଛାତ୍ରୀମାନେ ଫୁଲ, ଚନ୍ଦନ ଦେଇ ସ୍ୱାଗତ କରିବା ସହ ଶିକ୍ଷକଶିକ୍ଷିକାମାନେ ଉଜ୍ଜ୍ୱଳ ଭବିଷ୍ୟତ କାମନା କରି ଆଶୀର୍ବାଦ ପ୍ରଦାନ କରିଥିଲେ । ଉକ୍ତ କାର୍ଯ୍ୟକ୍ରମ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଡ଼ଃ. ଜ୍ୟୋତ୍ସ୍ନା ମିଶ୍ରଙ୍କ ତତ୍ୱାବଧାନରେ ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବରେ CRCC ସର୍ବେଶ୍ୱର ପଟ୍ଟନାୟକ ମହୋଦୟ, ସମ୍ମାନିତ ଅତିଥି ଭାବରେ ଏକମ୍ବା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ କେ ଗୋପାଳ ରାଓ, ସମାଜ ସେବୀ ଶ୍ରୀଯୁକ୍ତ ରାମନାଥ ପାଣିଗ୍ରାହୀ ଓ SMDC କମିଟିର ଲଇଚନ ହରିଜନ ଉପସ୍ଥିତ ରହିଥିଲେ । ଏତତ୍ ବ୍ୟତୀତ SMDC ସଭ୍ୟସଭ୍ୟା, ଆଲୁମିନୀ ସଭ୍ୟସଭ୍ୟା,ଅଭିଭାବକମାନେ, ବିଦ୍ୟାଳୟର ଛାତ୍ରଛାତ୍ରୀମାନେ ଓ ଶିକ୍ଷକଶିକ୍ଷିକାମାନେ ଉପସ୍ଥିତ ଥିଲେ । ଦ୍ଵିତୀୟ ପର୍ଯ୍ୟାୟରେ ବିଦ୍ୟାଳୟର କିଶୋରୀମାନଙ୍କ ନିମନ୍ତେ ଯୋଗ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବରେ ଜୟପୁର, କୋରାପୁଟ ପତଞ୍ଜଳି ଯୋଗାପୀଠର ପ୍ରଶିକ୍ଷିକା ଶ୍ରୀମତୀ ଜାନକୀ ପାଣିଗ୍ରାହୀ ଓ ସମ୍ମାନିତ ଅତିଥି ଭାବରେ ଶ୍ରୀମତୀ ମଞ୍ଜୁଳା ପାତ୍ର ଓ ଶ୍ରୀମତୀ ଉଷାରାଣୀ ମହାପାତ୍ର ଆସି କିଶୋରୀମାନଙ୍କ ଉପଯୋଗୀ ଯୋଗାଭ୍ୟାସ କରିବା ସହିତ ଯୋଗର ଆବଶ୍ୟକତା ଓ ଉପକାରିତା ବିଷୟରେ ବୁଝାଇଥିଲେ ।
ବରିଷ୍ଠ ଶିକ୍ଷକ ଓ ଶିକ୍ଷୟିତ୍ରୀ ବି. ନଳୀନ କୁମାର, ପ୍ରସନ୍ନ କୁମାର ପାଣିଗ୍ରାହୀ, ଉମାରାଣୀ ସାହୁ, ରାଜଲକ୍ଷ୍ମୀ ପ୍ରିୟା ସାମନ୍ତରାୟ, ବୃନ୍ଦାବତୀ ଖରା, ଶୁଭଙ୍କର ଦାଶ, ମନୋଜ କୁମାର ମିଶ୍ର ଓ ଅନ୍ୟ କର୍ମଚାରୀମାନେ ଉପସ୍ଥିତ ରହି ସହଯୋଗ କରିଥିଲେ। ପରିଶେଷରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଡ଼ଃ. ଜ୍ୟୋତ୍ସ୍ନା ମିଶ୍ର ଧନ୍ୟବାଦ ଅର୍ପଣ କରି ସଭା ସାଙ୍ଗ ହୋଇଥିଲା ।
