ଭୁବନେଶ୍ୱର– ଏଥର ରେକର୍ଡ ୭୪ ଲକ୍ଷ ମେଟ୍ରିକ ଟନ୍ ଧାନ କିଣିଛନ୍ତି ରାଜ୍ୟ ସରକାର। ଗତ ବର୍ଷ ୫୮ ଲକ୍ଷ ମେଟ୍ରିକ ଟନ୍ ଧାନ କିଣାଯାଇଥିଲା। ଚଳିତ ବର୍ଷ ଚାଷୀ ଅଧିକ ୧୬ ଲକ୍ଷ ମେଟ୍ରିକ ଟନ୍ ଧାନ ବିକ୍ରି କରି କରିଛନ୍ତି ବୋଲି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ସୂଚନା ଦେଇଛନ୍ତି। ସେ କହିଛନ୍ତି ଯେ କୁଇଂଟାଲ ପିଛା ୨୩୦୦ ଟଙ୍କା ହିସାବରେ ୧୬ ହଜାର ୮୯୯ କୋଟି ଟଙ୍କା ସରକାର ଚାଷୀଙ୍କୁ ଦେଇଛନ୍ତି। ଏହାସହ ୮୦୦ ଟଙ୍କା ଇନପୁଟ ସହାୟତା ହିସାବରେ ଚାଷୀ ୫ ହଜାର ୮୭୮ କୋଟି ଟଙ୍କା ପାଇଛନ୍ତି। ଚାଷୀଙ୍କୁ ମୋଟ ୨୨ ହଜାର ୭୭୭ କୋଟି ଟଙ୍କା ମିଳିଛି। ଏଥର ୧୭ ଲକ୍ଷ ୫୦ ହଜାର ଚାଷୀ ଧାନ ବିକ୍ରି କରିଛନ୍ତି । ୪୮ ଘଂଟା ଭିତରେ ଚାଷୀଙ୍କ ଆକାଉଂଟକୁ ଟଙ୍କା ଯାଇଛି। ଗତ ବର୍ଷ ୪ ଲକ୍ଷ ଚାଷୀଙ୍କ ଟୋକନ ଲାପସ ହୋଇଥିଲା । ଚଳିତ ଥର କୌଣସି ଚାଷୀ ଟୋକନ ପାଇଁ ମନ ଦୁଃଖ କରିନାହାନ୍ତି। ଟୋକନ ମିଳିଲେ ପ୍ରଥମେ ମାସ ସମୟ ସରକାର ଦେଲେ। ତାପରେ ଜିଲ୍ଲାପାଳଙ୍କୁ ୧୫ ଦିନ ସମୟ ଦିଆଗଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷକଙ୍କ ଆୟ ଦୁଇ ଗୁଣ କରିବା ପାଇଁ ଘୋଷଣା କରିଥିଲେ। ଏମଏସପି ୨୩୦୦ ଟଙ୍କା କଲେ । ମୁଖ୍ୟମନ୍ତ୍ରୀ ପ୍ରତି କୁଇଂଟାଲ ୮୦୦ ଟଙ୍କା ଇନପୁଟ ସହାୟତା ଦେଲେ। କୃଷକ ଖୁସି ହେଲେ ସମାଜ ଖୁସି ହେଉଛି ବୋଲି ମନ୍ତ୍ରୀ କହିଛନ୍ତି।
