ଭୁବନେଶ୍ୱର– ୱାକଫ୍ ବିଲ୍ ଭୋଟଙ୍କୁ ନେଇ ବିଜେଡିରେ ଦେଖା ଦେଇଛି ବିବାଦ। ସୋସିଆଲ୍ ମିଡିଆ ଏକ୍ସରେ ସସ୍ମିତ ପାତ୍ରଙ୍କ ଦଳ ବିରୋଧୀ ଆଭିମୁଖ୍ୟ ନେଇ ପ୍ରଫୁଲ୍ଲ ସାମଲଙ୍କ ପରେ ପ୍ରତାପ ଜେନା ଦଳର ସୁପ୍ରିମୋଙ୍କୁ ଚିଠି ଲେଖିଛନ୍ତି । ସେ କହିଛନ୍ତି, ସସ୍ମିତଙ୍କ ଏକ୍ସ ପୋଷ୍ଟ ଦଳର ଆଭିମୁଖ୍ୟ ବିରୋଧୀ। ଷଡଯନ୍ତ୍ର ପଛରେ କିଏ, ଅନୁଧ୍ୟାନ କରିବାର ଆବଶ୍ୟକ ରହିଛି ।
ପ୍ରତାପ ଜେନା କହିଛନ୍ତି ମୁସଲମାନ ଭାଇମାନଙ୍କ ପାଇଁ ଆମର ଯଥେଷ୍ଟ ସମ୍ମାନ ରହିଛି। ଆମେ ସବୁବେଳେ ତାଙ୍କ ସ୍ୱାର୍ଥ ପାଇଁ ଲଢିଆସିଛୁ । ୱାକଫ୍ ବିଲ୍ ଆସିବା ପୂର୍ବରୁ ବିଜେଡିର ଆଭିମୁଖ୍ୟ ସ୍ପଷ୍ଟ ଥିଲା। ଆମେ ଏହି ବିଲ୍ ବିରୋଧରେ ଯାଇ ଆମେ ପଦକ୍ଷେପ ନେବୁ । କିନ୍ତୁ ହଠାତ୍ ସସ୍ମିତ ପାତ୍ରଙ୍କ ଟ୍ୱିଟ୍ ସନ୍ଦେହ ସୃଷ୍ଟି କରିଛି । ନବୀନ ପଟ୍ଟନାୟକଙ୍କୁ ଚିଠି ଲେଖି ଏହାର ଅନୁଧ୍ୟାନ କରିବାକୁ ଅନୁରୋଧ କରାଯାଇଛି। କିଏ ଏହି ଷଡଯନ୍ତ୍ର କରିଛି, ଏହା ପଛରେ କିଏ ଅଛି, ତାକୁ ନେଇ ତର୍ଜମା କରିବାକୁ ଅନୁରୋଧ କରାଯାଇଛି । ସସ୍ମିତ ବାବୁଙ୍କ ଟ୍ୱିଟ୍ ଦ୍ୱନ୍ଦ୍ୱ ସୃଷ୍ଟି କରିଛି । ବିଲ୍ ବିରୋଧରେ ଯାଇ ସେ ଭୋଟ ଦେଇଛନ୍ତି । ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବା ଜରୁରୀ ବୋଲି ପ୍ରତିକ୍ରିୟା ରଖିଛନ୍ତି ପ୍ରତାପ ଜେନା ।
