ଭୁବନେଶ୍ୱର– କେନ୍ଦ୍ର କ୍ୟାବିନେଟ୍ରେ ଓଡିଶାରେ ଦୁଇଟି ନୂଆ ରେଳ ଲାଇନ ପାଇଁ ମଂଜୁରି ମିଳିଥିବାରୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଙ୍କୁ ଧନ୍ୟବାଦ ଜଣାଇଛନ୍ତି।
ଏକ୍ସରେ କେନ୍ଦ୍ରମନ୍ତ୍ରୀ ଲେଖିଛନ୍ତି କେନ୍ଦ୍ର କ୍ୟାବିନେଟ୍ ବୈଠକରେ ୧୨୭ କିମି ବିଶିଷ୍ଟ ପ୍ରସ୍ତାବିତ ସମ୍ବଲପୁର – ଜରପଡ଼ା ମଧ୍ୟରେ ତୃତୀୟ ଏବଂ ଚତୁର୍ଥ ରେଳ ଲାଇନ ଏବଂ ୩୫ କିମି ବିଶିଷ୍ଟ ଝାରସୁଗୁଡ଼ା – ଶାସନ ମଧ୍ୟରେ ତୃତୀୟ ଏବଂ ଚତୁର୍ଥ ରେଳ ଲାଇନ ନିର୍ମାଣ ପାଇଁ ମଞ୍ଜୁରି ଦେଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଙ୍କୁ ଧନ୍ୟବାଦ। ଏହି ଦୁଇଟି ପ୍ରସ୍ତାବିତ ରେଳ ପ୍ରକଳ୍ପ ଦ୍ୱାରା ଅଂଚଳରେ ଯାତ୍ରୀବାହୀ ଏବଂ ପରିବହନ ଟ୍ରେନର ଯାତାୟତ ଅଧିକ ସୁଗମ ହେବ।
ଏହି ଦୁଇଟି ପ୍ରସ୍ତାବିତ ପ୍ରକଳ୍ପ ପାଇଁ ପ୍ରାୟ ୫,୧୦୦ କୋଟି ଟଙ୍କା ଖର୍ଚ୍ଚ ହେବାର ଆକଳନ କରାଯାଇଛି। ଏହି ନୂଆ ଲାଇନ ପଣ୍ୟ କାରବାରକୁ ପ୍ରୋତ୍ସାହନ ଦେବା ସହ ପରିବହନ ଖର୍ଚ୍ଚକୁ ହ୍ରାସ କରିବାରେ ସହାୟକ ହେବ । ଆଗାମୀ ଦିନର ଶିଳ୍ପଭିତିକ ଆବଶ୍ୟକତାକୁ ପୂରଣ କରିବ। ସମ୍ବଲପୁର, ଅନୁଗୋଳ, ଝାରସୁଗୁଡ଼ା ଏବଂ ଜଗତସିଂହପୁର ଜିଲ୍ଲାରେ ସାମାଜିକ-ଆର୍ôଥକ ବିକାଶ ତ୍ୱରାନ୍ୱିତ ହେବା ସହ ରୋଜଗାରର ସୁଯୋଗ ତିଆରି ହେବ।
