ଭୁବନେଶ୍ୱର– ପାର୍ଲାମେଂଟରେ ୱକାଫ୍ ବିଲ୍ ଭୋଟିଂରେ ଭୋଟ୍ ନଦେବା ପ୍ରସଙ୍ଗରେ ମୁହଁ ଖୋଲିଛନ୍ତି ବିଜେଡି ସାଂସଦ ଦେବାଶିଷ ସାମନ୍ତରାୟ। ଦଳୀୟ ନିଷ୍ପତିରେ ଅସନ୍ତୁଷ୍ଟ ଥିବାରୁ ଭୋଟ୍ ଦେଇ ନଥିବା କହିଛନ୍ତି ଦେବାଶିଷ। ସେ କହିଛନ୍ତି ଯେ ସଂଖ୍ୟାଲଘୁଙ୍କୁ ସମର୍ଥନ ପାଇଁ ବିଲ୍ କୁ ବିରୋଧ ପାଇଁ ଦଳ ନିଷ୍ପତି ନେଇଥିଲା। ଏ ନେଇ ଇଫ୍ତାର ପାର୍ଟିରେ ନିଜେ ନବୀନ ପଟ୍ଟନାୟକ କହିଥିଲେ। ତେବେ କାଲି ୫ଟାରେ ହଠାତ୍ ନିର୍ଦ୍ଦେଶ ଆସିଲା ଯାହାର ଯାହା ବିବେକ କହୁଛି ଭୋଟ୍ ଦିଅ। ମୁଁ ଦଳର ଏଭଳି ନିଷ୍ପତିକୁ ବିରୋଧ କରି ଭୋଟ୍ ବର୍ଜନ କରିଥିଲି ବୋଲି କହିଛନ୍ତି ଦେବାଶିଷ ସାମନ୍ତରାୟ।
