କବି ରବି ସିଂଙ୍କ ବିୟୋଗରେ ସୂଚନା ଓ ଲୋକ ସଂପର୍କ ମନ୍ତ୍ରୀ ରଘୁନନ୍ଦନ ଦାସଙ୍କ ଶୋକ

ଭୁବନେଶ୍ୱର –  ବିପ୍ଲବୀ କବି ରବି ସିଂଙ୍କ ବିୟୋଗରେ ରାଜ୍ୟ ଜଳ ସଂପଦ, ସୂଚନା ଓ ଲୋକ ସଂପର୍କ ମନ୍ତ୍ରୀ ଶ୍ରୀ ରଘୁନନ୍ଦନ ଦାସ ଶୋକ ବ୍ୟକ୍ତ କରିଛନ୍ତି । ଏକ ଶୋକ ବାର୍ତାରେ ମନ୍ତ୍ରୀ ଶ୍ରୀ ଦାସ କହିଛନ୍ତି ଯେ, କବି ରବି ସିଂ ଏକାଧାରରେ ଜଣେ ରାଜନେତା, ସାମ୍ବାଦିକ ଓ  ସାହିତ୍ୟିକ ଥିଲେ ।  ବହୁ  ପୁସ୍ତକର  ରଚୟିତା,  ଓଡିଶା ସାହିତ୍ୟ ଏକାଡେମୀ ଏବଂ  ଅତିବଡି ଜଗନ୍ନାଥ ଦାସ ପୁରସ୍କାର ଆଦି ଏକାଧିକ ପୁରସ୍କାରର ବିଜେତା ସ୍ୱର୍ଗତ ସିଂଙ୍କ ବିୟୋଗ  ଓଡିଆ ସାହିତ୍ୟ ଓ ସାରସ୍ୱତ  ଜଗତ ପାଇଁ ଅପୂରଣୀୟ କ୍ଷତି ବୋଲି ମନ୍ତ୍ରୀ ଶ୍ରୀ ଦାସ  ପ୍ରକାଶ କରିବା ସହିତ କବି ସ୍ୱର୍ଗତ ସିଂଙ୍କ  ଅମରାତ୍ମାର ସଦ୍‌ଗତି କାମନା କରିଛନ୍ତି  ଓ  ତାଙ୍କର  ଶୋକ ସନ୍ତପ୍ତ ପରିବାର ପ୍ରତି  ଗଭୀର ସମବେଦନା ଜ୍ଞାପନ କରିଛନ୍ତି ।