ଭୁବନେଶ୍ୱର – ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ, ଭୁବନେଶ୍ୱର ଶାଖା ତରଫରୁ ଭାରତରତ୍ନ ଇଂ. ଏମ୍. ବିଶ୍ୱେଶ୍ୱରାୟଙ୍କ ଜନ୍ମ ଦିବସ ତଥା ଇଂଜିନିୟରସ୍ ଡ଼େ’ ପାଳନ କରାଯାଇଛି । ଏବିଭିପି ତରଫରୁ ସାରା ଓଡ଼ିଶାରେ ବିଭିନ୍ନ ସ୍ଥାନରେ ଏହି ଦିବସ ପାଳିତ ହୋଇଯାଇଛି । ଏବିଭିପି ଟେକ୍ନିକାଲ ଷ୍ଟୁଡେଂଟ ଫୋରମ ଭୁବନେଶ୍ୱର ଶାଖା ତରଫରୁ ମାଷ୍ଟର କ୍ୟାଂଟିନ୍ ଠାରେ ଏକ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଇଥିଲା । ବିଭିନ୍ନ ବୈଷୟିକ ମହାବିଦ୍ୟାଳୟର ବିଦ୍ୟାର୍ଥୀମାନେ ଯୋଗଦେଇଥିଲେ । ଏହି କାର୍ଯ୍ୟକ୍ରମ ମାଧ୍ୟମରେ ହାତଗଣତି ଇଂଜିନିୟରିଂ ବିଦ୍ୟାର୍ଥୀ ମାନଙ୍କ ପାଇଁ ସମ୍ପୁର୍ଣ୍ଣ ଇଂଜିନିୟରିଂ ବିଦ୍ୟାର୍ଥୀ ସମାଜକୁ ସାଧାରଣତଃ ଅସାମାଜିକ ଓ ଅପରାଧିକ ତତ୍ୱ ଭାବରେ ଦେଖିବା ଉଚିତ୍ ନୁହେଁ ବୋଲି ଭୁବନେଶ୍ୱର ମହାନଗର ଉପସଭାପତି ଇଂ ଦୀପକ ବେହେରା କହିଥିଲେ ।
ଏହି କାର୍ଯ୍ୟକ୍ରମରେ ଇଂ ଦିନେଶ ଅଧିକାରୀ, ଇଂ ପ୍ରିତମ ଦାସ, ଇଂ ନିଶିତ ଦାସ, ଦେବରାଜ ମାଝୀ, କଳ୍ପତରୁ ମହାପାତ୍ର, ପ୍ରତ୍ୟୁଷ ଦାସ, ଦେବାଶିଶ ରାଉଳ, ପ୍ରତିକ ନାୟକ, ସୋମୁ ଦେ, ସମ୍ବିତ ରାଉତ, ମହର୍ଶି ସବର ପ୍ରମୁଖ ଉପସ୍ଥିତ ଥିଲେ ।
