ଭୁବନେଶ୍ୱର, ବିଶିଷ୍ଟ କଂଗ୍ରେସ ନେତ୍ରୀ ଓଡ଼ିଶା ପ୍ରଦେଶ କଂଗ୍ରେସ କମିଟିର ପୂର୍ବତନ କାର୍ଯ୍ୟକାରୀ କମିଟି ସଦସ୍ୟା ଶ୍ରୀମତୀ ସାବିତ୍ରୀ ଚୌଧୁରୀଙ୍କ ବିୟୋଗରେ ଓଡ଼ିଶା ପ୍ରଦେଶ କଂଗ୍ରେସ କମିଟିର ସଭାପତି ଭକ୍ତ ଚରଣ ଦାସ ଗଭୀର ଶୋକପ୍ରକାଶ କରିଛନ୍ତି। ଏକ ଶୋକବାର୍ତାରେ ଶ୍ରୀ ଦାସ କହିଛନ୍ତି ଯେ ସ୍ୱର୍ଗତା ଚୌଧୁରୀ କଂଗ୍ରେସ ଦଳର ଜଣେ ଟାଣୁଆ ସଂଗଠିକା ଥିଲେ। କଂଗ୍ରେସ ଦଳର କାର୍ଯ୍ୟଧାରା ଓ ବାର୍ତା ତଳସ୍ତରରେ କିପରି ପହଂଚିପାରିବ ସେ ଦିଗରେ ସେ ସର୍ବଦା ତତ୍ପର ଥିଲେ। ଜଣେ ଅମାୟୀକ, ସରଳ ଓ ସ୍ନେହୀ ବ୍ୟକ୍ତି ଭାବରେ ସେ ସମସ୍ତଙ୍କ ନିକଟରେ ଆଦରଣୀୟ ଥିଲେ। ସ୍ୱର୍ଗତ ଆତ୍ମାର ସଦଗତି କାମନା କରିବା ସଂଗେ ସଂଗେ ଶ୍ରୀ ଦାସ ଶୋକସନ୍ତପ୍ତ ପରିବାର ବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି।
