ଭୁବନେଶ୍ୱର– ବିଜୁ ପଟ୍ଟନାୟକ ରାଜ୍ୟ ପୋଲିସ ଏକାଡେମୀ ଠାରେ ଅଷ୍ଟମ ବ୍ୟାଚ ଆରକ୍ଷୀ ଉପ ଅଧୀକ୍ଷକ ଏବଂ ଦ୍ୱାଦଶ ବ୍ୟାଚ ଉପ ଆରକ୍ଷୀ ନିରୀକ୍ଷକ ପ୍ରଶିକ୍ଷାର୍ଥୀଙ୍କ ଦୀକ୍ଷାନ୍ତ ସମାରୋହ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି। ଏହି ସମାରୋହରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଯୋଗ ଦେବା ସହ ମନୋଜ୍ଞ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ। ଏହା ସହ ତାଲିମ ସମୟରେ ବିଭିନ୍ନ ପାଠ୍ୟ ଖସଡ଼ାରେ ଉତ୍କର୍ଷତା ହାସଲ କରିଥିବା ଶ୍ରେଷ୍ଠ ଶିକ୍ଷା ନବିସ ଅଧିକାରୀ ଓ ଏକାଡେମୀର ଅଧିକାରୀଙ୍କୁ ପୁରସ୍କୃତ କରିଥିଲେ।
ଉଲ୍ଲେଖଯୋଗ୍ୟ ଯେ, ଦୀର୍ଘଦିନର କଠିନ ପରିଶ୍ରମ ସହ ମୌଳିକ ତାଲିମ ସମାପ୍ତ କରି ୪ ଜଣ ଶିକ୍ଷାନବିସ ଡିଏସପି ଏବଂ ୧୭୧ ଜଣ ଶିକ୍ଷାନବିସ ପୋଲିସ ସବ- ଇନ୍ସପେକ୍ଟର ଆଜି ପାସିଂ ଆଉଟ ପ୍ୟାରେଡରେ ସାମିଲ ହୋଇଥିଲେ।
