ନୂଆଦିଲ୍ଲୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ସିଲଭାସାରେ ଆୟୋଜିତ ଏକ ସର୍ବଜନୀନ କାର୍ଯ୍ୟକ୍ରମରେ କେନ୍ଦ୍ର ଶାସିତ ଅଂଚଳ ଦାଦରା ଓ ନଗର ହାବେଳୀ ତଥା ଡାମନ ଡିଓ ପାଇଁ 2580 କୋଟି ଟଙ୍କାରୁ ଅଧିକ ମୂଲ୍ୟର ଅନେକ ବିକାଶମୂଳକ ପ୍ରକଳ୍ପ ଉଦଘାଟନ ଓ ଶିଳାନ୍ୟାସ କରିଛନ୍ତି ।
ପ୍ରଧାନମନ୍ତ୍ରୀ ମୋଦି ଏହି ଅବସରରେ କହିଛନ୍ତି ଯେ, ଦାଦରା ଓ ନଗର ହାଭେଳୀ ତଥା ଡାମନ ଡିଉ ପଇଁ ଏହା ଏକ ଐତିହାସିକ ଦିନ ଅଟେ, କାରଣ ପ୍ରମୁଖ ବିକାଶ ପ୍ରକଳ୍ପ ଆରମ୍ଭ ହେବାକୁ ଯାଉଛି । ସେ କହିଛନ୍ତି ଯେ, ଦାଦରା ଓ ନଗର ହାଭେଳି, ଦାମନ ଓ ଡିଉ ଆମର ଗର୍ବ ଓ ଐତିହ୍ୟ ଅଟେ । ଏଥିପାଇଁ ଆମେ ଏହି ଅଂଚଳକୁ ଏକ ଏଭଳି ମଡେଲ ଅଂଚଳ ବନାଇବାକୁ ଯାଉଛି, ଯାହା ନିଜର ସାମଗ୍ରିକ ବିକାଶ ପାଇଁ ପରିଚିତ ହେବ ।
ସେ କହିଛନ୍ତି ଯେ, ଦାଦରା ଓ ନଗର ହାବେଲୀ, ଡାମନ ଡିଉ ଅନେକ ଯୋଜନାରେ ସର୍ବୋଚ୍ଚ ସ୍ଥିତିରେ ପହଁଚିଛି। ଜୀବନର ପ୍ରତିଟି ଖୁଂଟ ଓ ପ୍ରତିଟି ଆବଶ୍ୟକତା ପାଇଁ ସରକାରଙ୍କ ଯୋଜନାର ଲାଭ ପ୍ରତ୍ୟେକ ହିତାଧିକାରୀଙ୍କୁ ମିଳୁଛି।
ପ୍ରଧାନମନ୍ତ୍ରୀ ଏହିପୂର୍ବରୁ ସିଲଭାସାରେ ନମୋ ହସ୍ପିଟାଲ୍ର ପ୍ରଥମ ପର୍ଯ୍ୟାୟର ଉଦଘାଟନ କରିଥିଲେ। ୪୬୦ କୋଟି ଟଙ୍କା ଠାରୁ ଅଧିକ ଖର୍ଚ୍ଚରେ ନିର୍ମିତ ୪୫୦-ବେଡ୍ ବିଶିଷ୍ଟ ଏହି ହସ୍ପିଟାଲ୍ କେନ୍ଦ୍ରଶାସିତ ଏହି ଅଂଚଳରେ ସ୍ୱାସ୍ଥ୍ୟ ସେବାକୁ ଅଧିକ ମଜବୁତ କରିବ।
ପ୍ରଧାନମନ୍ତ୍ରୀ ସିଲଭାସାରେ ଆୟୋଜିତ କାର୍ଯ୍ୟକ୍ରମରେ ରୋଜଗାର ମେଳାର ନିଯୁକ୍ତି ପତ୍ର ବିତରଣ କରିଥିଲେ। ପିଏମଆବାସ ଯୋଜନା-ସହରୀ, ଗିର ଆଦର୍ଶ ଆଜୀବିକା ଯୋଜନା ଏବଂ ସିଲଭନ ଦିଦି ଯୋଜନା ଅନ୍ତର୍ଗତ ହିତାଧିକାରୀଙ୍କୁ ଲାଭ ବିତରଣ କରିଥିଲେ।
