ଭୁବନେଶ୍ୱର– ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ଗୃହ ଓ ନଗର ଉନ୍ନୟନ ମନ୍ତ୍ରୀଙ୍କ ସମୀକ୍ଷା ବୈଠକ ଶୁକ୍ରବାର ଅନୁଷ୍ଠିତ ହୋଇଯାଇଛି। ବୈଠକରେ ସମସ୍ତ କମିଶନର ଏବଂ ପ୍ରିନ୍ସପାଲ ସେକ୍ରେଟାରୀ ଭିସିରେ ଯୋଡି ହୋଇଥିଲେ।
ବୈଠକ ପରେ ଗୃହ ଓ ନଗର ଉନ୍ନୟନ ମନ୍ତ୍ରୀ ଡ଼ଃ କୃଷ୍ଣ ଚନ୍ଦ୍ର ମହାପାତ୍ର କହିଛନ୍ତି ସମସ୍ତଙ୍କୁ ସତର୍କ ରହିବାକୁ କୁହାଯାଇଛି। ଅସଜଡ଼ା ହୋଇଥିବା ଟ୍ୟାପ, ନଳକୂପ, ଟିଉବୱେଲକୁ ସଜଡ଼ାବାକୁ ମନ୍ତ୍ରୀ ନିର୍ଦେଶ ଦେଇଛନ୍ତି। ୨୪ ଘଂଟିଆ ସବୁ ପିଏଚଓ ଓ ୱାଟକୋ ଅଫିସ ଖୋଲା ରହିବ।ଯେଉଁଠି କମ୍ପେ୍ଲନ ଆସିବ ତୁରନ୍ତ ସମାଧାନ କରାଯିବ। ବିଭିନ୍ନ ସ୍ଥାନରେ ଜଳଛତ୍ର ଖୋଲାଯିବ। ବିଭିନ୍ନ ସ୍ୱେଚ୍ଛାସେବୀ ସଂଗଠନ ମାନେ ମଧ୍ୟ ଆଗେଇ ଆସନ୍ତୁ। ଖାସ କରି ବସ ଷ୍ଟାଣ୍ଡ, ଅନେକ ସମ୍ବେଦନଶୀଳ ସ୍ଥାନ, ବଜାର ଘାଟରେ ମଧ୍ୟ ପାଣିର ସମସ୍ତ ବ୍ୟବସ୍ଥା କରାଯିବ। ଜନଗହଳିପୂର୍ଣ୍ଣ ସ୍ଥାନରେ ବିଶେଷ ନଜର ରଖାଯିବ। ବିଭିନ୍ନ ଜାଗାରେ ପ୍ରଧାନମନ୍ତ୍ରୀଙ୍କ ଅମୃତ କୁଏରେ ବହୁତପୋଖରୀ ଖନନ ହୋଇଛି। ସେହିଗୁଡିକ ଠିକ କରାଯିବ। ଖରାରେ ଲୋକ ବିଶେଷ ବାହାରକୁ ନ ବାହାରିବା ପାଇଁ ମନ୍ତ୍ରୀ ପରାମର୍ଶ ଦେଇଛନ୍ତି । ଦିନ ୧୧ରୁ ୩ ଟା ପର୍ଯ୍ୟନ୍ତ ବାହାରେ ଶ୍ରମିକ ମାନେ କାମ ନ କରିବା ପାଇଁ ପୂର୍ବରୁ ସରକାର ନିର୍ଦେଶ ଦେଇଛନ୍ତି।ଧାର୍ମିକ ସ୍ଥଳୀ ଗୁଡିକରେ ମଧ୍ୟ ସମସ୍ତ ଟ୍ୟାପ ପାଣି ଗୁଡିକୁ ସଜଡ଼ା ଯାଇ ସଠିକ କରାଯିବ ବୋଲି ମନ୍ତ୍ରୀ କହିଛନ୍ତି।
