ଧର୍ମଶାଳା – ଯାଜପୁର ଜିଲାର ୨ ପୃଥକ ପୃଥକ ସ୍ଥାନରେ ୨ଟି ଗାଡି କେନାଲ ଭିତରକୁ ପଶିଗଲା । ଫଳରେ ଅଳ୍ପକେ ସମନ୍ତେ ବର୍ତି ଯାଇଥିବା ଜଣାପଡିଛି । ଆଜି ସକାଳ ସାଢେ ୮ଟା ସମୟରେ ଅଘଟଣ ଘଟିଛି ଜେନାପୁର ଥାନ ଅରିମୂଳ ନିକଟରେ । କେନାଲ ବନ୍ଧରେ ଏକ ଟ୍ରାକ୍ଟର ଆସୁଥିବା ସମୟରେ ଭାରସାମ୍ୟ ହରାଇ କେନାଲ ଭିତରକୁ ପଣିଯାଇଥିଲା । ଫଳରେ ଟ୍ରାକ୍ଟରର ଡ୍ରାଇଭର ବର୍ତି ଯାଇଥିବା ବେଳେ ଏହି ଟ୍ରାକ୍ଟର ଖଲାସି ଜଣେ ନାବଳକ ପାଣି ଭିତରେ ପଡିଯାଇଥିଲେ । ସ୍ଥାନୀୟ ଲୋକେ ତାଙ୍କୁ ପାଣି ଭିତରୁ ଉଦ୍ଧାର କରି ଧର୍ମଶାଳା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିବା ଜଣାପଡିଛି । ଖବର ପାଇ ଜେନାପୁର ପୁଲିସ ଘଟଣାସ୍ଥଳରେ ପଂହଚି ଘଟଣାର ତଦନ୍ତ କରୁଥିବା ବେଳେ ଉକ୍ତ ନାବଳକର ଅବସ୍ଥା ଗୁରୁତର ଥିବା ପ୍ରାଥମିକ ତଦନ୍ତରୁ ଜଣାପଡିଛି । ସେହି ଆଜି ସକାଳେ ବାଲିଚନ୍ଦ୍ରପୁର ଥାନା ଅନ୍ତର୍ଗତ ଚାରିନଙ୍ଗଳ ପଟ୍ଟାମୁଣ୍ଡାଇ ନିକଟରେ ଏକ କ୍ଷୀର ବୋଝେଇ ଟାଟା ଏସି ଗାଡି କେନାଲ ଭିତରକୁ ପଶି ଯାଇଥିବା ଜଣାପଡିଛି । ଫଳରେ ଗାଡିଟି ଗାଣି ଭିତରେ ଅଧାରୁ ଅଧିକ ବୁଡି ଯାଇଥିବା ବେଳେ ଏହି ଗାଡିରେ ଥିବା ଡ୍ରାଇଭର ଓ ସେଲସମ୍ୟାନଙ୍କୁ ଉଦ୍ଧାର କରି ସ୍ଥାନୀୟ ଲୋକେ ବାଲିଚନ୍ଦ୍ରୁର ମେଡିକାଲରେ ଭର୍ତି କରିଥିବା ଜଣାପଡିଛି । ଖବର ପାଇ ବାଲିଚନ୍ଦ୍ରପୁର ପୁଲିସ ଘଟଣାସ୍ଥଳରେ ପଂହଚି ତଦନ୍ତ ଚଳାଇଥିବା ଜଣାପଡିଛି ।
