ଭୁବନେଶ୍ୱର – ରାଜ୍ୟ ଯୁବସାମ୍ମୁଖ୍ୟ ସମିତି ଆନୁକୂଲ୍ୟରେ ଆଜି ଜାତିର ଜନକ ମହାତ୍ମାଗାନ୍ଧୀଙ୍କର ୭୨ତମ ତିରୋଧାନ ଦିବସ ଉପଲକ୍ଷେ ମହାତ୍ମା ଗାନ୍ଧୀ ପାର୍କସ୍ଥିତ ଗାନ୍ଧିଜୀଙ୍କ ପ୍ରତିମୂର୍ତି ପାଶ୍ୱର୍ରେ ଏକ ସର୍ବଧର୍ମ ପ୍ରାର୍ଥନା ଅନୁଷ୍ଠିତ ହୋଇଯାଇଛି । ଏହି ପ୍ରାର୍ଥନା ସଭାରେ ଗୀତା ପାଠ କରିଥିଲେ ବାବା ବିଭୂତି ଦାସ । ଗ୍ରନ୍ଥସାହେବ ପାଠ କରିଥିଲେ ସନ୍ତୋଷ ସିଂ । ମହାତ୍ମା ଗାନ୍ଧୀଙ୍କ ପ୍ରିୟ ଭଜନ ଗାନ କରିଥିଲେ ମଞ୍ଜୁଶ୍ରୀ ତ୍ରିପାଠୀ ଓ ଗୀତାରାଣୀ ମହାନ୍ତି । ଗାୟତ୍ରୀ ମନ୍ତ୍ର ପାଠ କରିଥିଲେ ଅଗାଧୁ ଚରଣ ମହାପାତ୍ର । ଉକ୍ତ ପ୍ରାର୍ଥନା ସଭା ରାଜ୍ୟ ଯୁବ ସାମ୍ମୁଖ୍ୟ ସମିତିର ସମ୍ପାଦକ ଅଭୟ ବଡ଼ଜେନା ଆୟୋଜନ କରିଥିବାବେଳେ ସୁଧାଂଶୁ ମହାପାତ୍ର, ଗିରିଜା ଶଙ୍କର ମହାପାତ୍ର, ପ୍ରମୋଦ ରାଉତ, ନିର୍ମଳ ଚନ୍ଦ୍ର ମଲ୍ଲିକ, ଆନନ୍ଦ ପଟ୍ଟନାୟକ, ବ୍ରଜବନ୍ଧୁ ପରିଡ଼ା ପ୍ରଭୃତି ଉପସ୍ଥିତ ଥିଲେ ।
