ପ୍ରାପ୍ତ ଖବରରୁ ଯାହା ଜଣାଯାଏ ଆଜି ଧାମନଗର ଥାନା ଅଧୀନସ୍ଥ ପିତେଇପୁର ଅଂଚଳର ମଂଟୁ ହାଜରା ଓ ତାଙ୍କ ପତ୍ନୀ ସସ୍ମିତା ଏକ ବାଇକ୍ ଯୋଗେ ଭଦ୍ରକ ଆସୁଥିବାବେଳେ ତାଙ୍କ ପଛପଟୁ ଏକ ଟ୍ରକ୍ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ପତ୍ନୀ ସସ୍ମିତାଙ୍କର ଶୋଚନୀୟ ମୃତ୍ୟୁ ହୋଇଥିବାବେଳେ ସ୍ୱାମୀ ମଂଟୁଙ୍କ ଅବସ୍ଥା ଗୁରୁତର ହୋଇଥିଲା । ଏହି ଘଟଣାକୁ ନେଇ ଘଟଣାସ୍ଥଳରେ ଉତ୍ୟକ୍ତ ଲୋକେ କିଛି ସମୟ ଧରି ରାଜପଥ ଅବରୋଧ କରିଥିବାବେଳେ ଧାମନଗର ଓ ଭଦ୍ରକ ପୁଲିସ୍ ସେଠାରେ ପହଂଚି ପରିସ୍ଥିତିକୁ ଆୟତ କରିଥିଲେ । ଦୁର୍ଘଟଣା ଘଟାଇଥିବା ଟ୍ରକ୍ଟିକୁ ଧାମନଗର ପୁଲିସ୍ ଜବତ କରି ଟ୍ରକ୍ ଡ୍ରାଇଭର ଓ ହେଲପରକୁ ଅଟକ ରଖି ତଦନ୍ତ ଚଳାଇଥିବାର ଜଣାପଡିଛି । ଏହି ଘଟଣାରେ ସ୍ଥାନୀୟ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇ ମୃତ ଶବକୁ ବ୍ୟବଚ୍ଛେଦ ପରେ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।
