ଢ଼େଙ୍କାନାଳ- ଢ଼େଙ୍କାନାଳ ସଦର ଥାନା ଅନ୍ତର୍ଗତ ଲମ୍ବୋଦରପୁର ଛକ ନିକଟରେ ଆଜି ଅପରାହ୍ନରେ ଘଟିଯାଇଥିବା ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଦୁଇ ଜଣଙ୍କର ଶୋଚନୀୟ ମୃତ୍ୟୁ ଘଟିଛି । ସେମାନେ ସମ୍ପର୍କରେ କକା ପୁତୁରା ବୋଲି ଜଣାପଡିଛି ।
କଟକ ଜିଲ୍ଲା ସାଲେପୁର ବ୍ଲକ୍ ଅନ୍ତର୍ଗତ ରାମକୃଷ୍ଣପୁର ଗ୍ରାମର ପ୍ରତାପ ଷଡ଼ଙ୍ଗି ଓ ପୁତୁରା ପ୍ରିତମ୍ ଷଡ଼ଙ୍ଗି ନିଜ ସମ୍ପର୍କୀୟଙ୍କ ଶୁଦ୍ଧିକ୍ରିୟା କାର୍ଯ୍ୟରେ ଯୋଗଦେବା ନିମନ୍ତେ ଏକ ବାଇକ୍ ଯୋଗେ ଢ଼େଙ୍କାନାଳ ସଦର ଥାନା ଅଂଚଳକୁ ଯାଇଥିଲେ । ସେଠାରୁ ଘରକୁ ଫେରୁଥିବା ବେଳେ ଲମ୍ବୋଦରପୁର ଛକରେ ସମ୍ମୁଖରୁ ଆସୁଥିବା ଏକ ଯାତ୍ରୀବାହି ବସ୍ ସେମାନଙ୍କ ବାଇକକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ଦାଦା ପୁତୁରାଙ୍କ ମୃତ୍ୟୁ ଘଟିଥିଲା । ଖବର ପାଇ ଭାପୁର ଫାଣ୍ଡି ପୋଲିସ ସେଠାରେ ପହଂଚି ଉଭୟଙ୍କ ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇବା ସହ ଏନେଇ ଅଧିକ ତଦନ୍ତ ଚଳାଇଛି ।
