ଗଞ୍ଜାମ- ଗଞ୍ଜାମ ଜିଲ୍ଲା ରମ୍ଭା ଅଂଚଳରେ ଏକ ବିସ୍ଫୋରକ ଭର୍ତି ଗୋଦାମକୁ ଠାବ କରିବା ସହ ଆଜି ଏହା ଉପରେ ଚଢ଼ଉ କରିଛି କ୍ରାଇମବ୍ରାଂଚ ଏସଟିଏଫ । ଚଢ଼ଉ ବେଳେ ସେଠାରୁ ୧୦ ହଜାର ୪୦୬ଟି ଡିଟୋନେଟର, ୩୨୦୦ ଖଣ୍ଡ ଜିଲୋଟିନ୍ ଷ୍ଟିକ୍ ଏବଂ ୧୯୬ କ୍ୱିଂଟାଲ ଆଲୁମିନିୟମ୍ ନାଇଟ୍ରେଟ ଜବତ ହୋଇଛି । ବେଆଇନ ଭାବେ ବିସ୍ଫୋରକ ରଖିବା ଅଭିଯୋଗରେ ସମ୍ପୃକ୍ତ ଗୋଦାମର ମାଲିକ ସରୋଜ ପଟ୍ଟନାୟକଙ୍କୁ ଏସଟିଏଫ ଗିରଫ କରିଛି । ବିପୁଳ ବିସ୍ଫୋରକ ରଖିବା ନେଇ ତାଙ୍କ ନିକଟରେ କୌଣସି ଲାଇସେନ୍ସ ନଥିବା ସୂଚନା ମିଳିଛି । କ୍ରାଇମବ୍ରାଂଚ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
